Malaga le ‘Au Si’isi’i

By Ilia L Likou 31 January 2018, 12:00AM

E to’aono le ‘Au Si’isi’i e aofia ma la latou Peresitene ma le Faiaoga i a Tuaopepe Jerry Wallwork o lo’o i Noumea mo le tasi vaiaso aua ni a’oa’oga mo le Ta’aloga o le Si’isi’I U’amea Mamafa.

O lenei a’oa’oga e taua tele mo le to’atele o i latou i Samoa nei o lo’o ua i ai le tomai ma le agava’a mo le fa’atinoina ai o lea ta’aloga e pei ona fa’ailoa e le Peresitene, Tuaopepe Jerry Wallwork.

O lo’o fa’atupeina lenei malaga e le  Fa’apotopotoga o le ‘Au Si’isi’i.

I le fa’atalatalanoaga ma Tuaopepe na ia fa’ailoa ai le taua o lenei malaga mo le au aemaise o le tapena atu ai i nisi o   ta’amilosaga fa’avaomalo e ono masi’i atu ai lenei tausaga.

“Ia e pei o le taimi lenei ua mafai ona fa’atupeina ai le fa’apotopotoga o le lenei fa’amoemoe, ma o se vala’aulia fa’apitoa mo nisi o i la’ua o lo’o tulaga lelei a la si’i mai le fa’apotopotoga ina ia mafai ona auai.

“O lenei fonotaga fa’alea’oa’oga o se itu taua tele lea mo la matou au aemaise le tapenaga mo le Ta’aloga o Malo ole Taupulega e pei o lea ua sauna atu ai.

“O lo’o ua mae’a ona filifilia la matou au mo lea fa’amoemoe e pei ona i ai Nevo Ioane, Don Opeloge, Siaosi Leuo, Sanele Mao, Lauititi Lui ma Feagaiga Stowers.

“E na’o le tasi le tama’ita’i e mafaiona auai mai , ia ma ua ma’ea ona fa’atupe vaega uma e pau lava le mea lea ua i ai o le tapena ia ma sauni e o i luga o le va’alele.

Na ia fa’ailoa o lo’o auai le to’atele o nisi o le ‘au si’isi’i mai isi atunu’u.

“E pei ona aofia ai Kanata, Ausetalia, Niu Sila, Meleisia, Fiti ma Papua Niu Kini.

“Ae pei o le fa’amoemoega tele lava o lo’o ua i ai nei ia mafai lea ona tele se sao o lenei a’oa’oga mo i matou uma lava.

“E le faigofie le alo atu i nei foi tauvaga e pei ona ua va’ava’ai atu ai.

“O lona uiga e mana’omia lava le omai ma galulue fa’atasi, ia ma fa’aopopo atu ai ma vaega nei e mafai ona fesoasoani mai le taimi lenei.

‘Aua le tulaga o le aga’i atu ai le lumanai aemaise o vaega fa’atino mo le lelei alu i luma o le au ta’a’lo.

“I  a te a’u lava ia e taua tele le tapena mamao mo vaega nei, ia maua le malosi o le tino sili i le mafaufau aemaise o vaega e mafai ona fa’atino mai lea aso i lea aso aua le lelei alu i luma aemaise o le vaai mamao aua nai o tatou tupulaga o lo’o ua manatu e avea lenei ta’aloga ma o latou sao i le atunu’u i le lumanai.

O le naunautaiga o lo’o fa’ananau i ai o le mafai lea ona ausia e le to’atele o alo o le atunu’u ni pine auro se tele aua lava le tapuaiga. E le gata i lea ia to’atele alo ma fanau e ausia nsi tulaga aloa’ia mai lenei ta’aloga.

By Ilia L Likou 31 January 2018, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>