Manatu o le Fa’atonu - O se lesona mo fetu talavou

152 Hits

Tusia - Mata’afa Keni Lesa

Faaliliu e Seagaitumua Tupuola 

 

 

E le fai mea tonu le Soifuaga nei.

O le muagagana o aso ua leva e le mafai lava ona faaitiitia lona sa’o atoatoa pe a pa’ia mataupu e faasino i alii ma tama’ita’i taaalo-o nisi o i latou o tatou lava tagata-ia ua ‘ausia tulaga maoa’e mo latou olaga taaalo ae mulimuli ane lava o latou maua le faigata tele o le soifuaga. 

O lea matou te talanoa atu iinei e uiga i tagata taaalo ia sa inu i le olaga ta’uta’ua , manuia ma le anoano o tinoitupe i le faagasologa o latou aso uiga ese ae mulimuli ane matua tauivi lava ma le leaga o le olaga mulimuli ane pe a tuua i latou e aunoa ma se mea e tasi.

Ua tatou vaaia soo lenei tulaga. Ma o le itu e faanoanoa ai ona e le faapito i se taaloga e tasi. E tupu i le lakapi, lakapi liki, fusuaga ma taaloga uma lava –e aofia ai taaloga maoa’e ia e maua ai e tagata taalo le faitau miliona ma miliona. Mo Samoa ma Tagata o le Pasefika i le tulaga aoao, o nai mataupu talu ai nei lava ua vave manatua e le mafaufau.

O David Tua ma ana miliona ma miliona ma le mea na mou atu i ai-o se faata’ita’iga lauiloa lea. O le toatele o i tatou e malamalama lelei lava i lenei tala. Ae o le itu e ao ona faailoa atu, mai se tasi o ia lea na fusu mo se tupe e $6 miliona i se fusuaga i le faagasologa o le taimi o lona lelei ma lona malosi, o lipoti talu ai nei lava e uiga ia te ia ua leiloa ana mea uma ma ua i’u ai ina leai sona aiga ma ua i’u ai ina moe i totonu o le fale taalo e fai ai fusuaga o se tasi lea o itu faamomoi loto. 

E le o tuua ai na o Tua. A’o e faitau i lenei tusitusiga, o le aiga o le isi tagata Polenesia ta’uta’ua , o Jonah Lomu, o loo faamanatu i ni ala fita faatasi ai ma le tulaga moni lava o lona soifuaga. E ui lava i le tulaga uiga ese ma le le lau maua sa i ai o ia a’o ola, sa le faapena ona manuia mea uma ina ua maliu o ia.

E itiiti lava tupe na ia tuua i totonu o le faletupe-ae ua na o se laualuga lena o se poloka aisa opeopea. O le finau mo soo se mea na ia tuua e peiseai o le a faaauau pea mo se taimi o i luma. O lea alii taalo talu ai nei lava na logologoa ona tala o ia lea sa avea muamua ma Manu Samoa, o George Leaupepe.

A’o maulalo le tulaga sa i ai Leaupepe e tusa ai ma lona malosi e maua ai tupe pe a faatusatusa ia Tua ma Lomu, o le tala e uiga ia te ia e matua tutusa lelei lava. O lea alii tamo’e malosi i le laina i tua sa faafuase’i ona taaalo faatasi ma tagata taalo e pei o Lomu-sa talanoa mai e uiga i ana tauiviga ina ua uma le lakapi. O le aano moni o ana faafitauli, e pei ona aliali mai, o tupe. “O le toatele o i tatou e tutusa lelei o tatou lagona i le faiga o loo faaaoga ai e Lakapi a Niu Sila tatou i le taimi nei, ma a uma ona tatou lakapi ai –ua matua leai lava se isi mea mo i tatou,” o le faaaliga lea a Leaupepe. 

 “E malie i le vaai a’o avea i tatou ma vaega o le asosi a tama taalo.” O faafitauli tau tupe sa faaaogaina ai Leaupepe i le mea sili e gata ai, e tusa ai ma lipoti. “Sa ‘ou faata’ita’i e saili soo se mea (i lea taimi), ma o le mea moni lena,” o lana faaaliga lea.

I le faagasologa o lona olaga taalo-sa i ai lava nisi ia sa mafai ona liu a latou tinoitupe i totonu o se ofaga o fuamoa, ae fai mai Leaupepe o le toatele lava- e pei o ia, e lelei ona tapena i aoaoga ma le saikolosi “Sa na o galuega masani sa ma matou galulue ai ona soso’o loa lea ma le taaalo lakapi i taimi uma faatasi ai ma le tele o isi tue na tau’ai ma ia i matou i lo mea na  matou aoaoina pe faapefea ona faafeagai ma lea tulaga,” o lana faaaliga lea.”

Ina ua faamuta lona olaga taalo-na tuua o ia ma se tino ua malepelepe ma sina mea e sili atu teisi i lo se school cert i luga o lona CV. “A’o e i ai i lea nofoaga, e manana’o tagata uma e fia soso atu i out ala ane ae o le taimi lava e te alu ese ai mai le malamalama o le moli-e te vaaia se tulaga uiga ese- o tagata ia e te manatu na o atu ona o oe –o tagata tonu lava ia e toe fulitua mai ia te oe. O le itulau 14 o le nusipepa o loo e faitauina, le isi Olopeleki ta’uta’ua lea na ia faalia  ni manatu ta’utino. E ala i sana faaaliga i le Nz Herald, fai mai Craig Dowd o tagata lakapi faa-polofesa muamua sa avea ma vaaiga tausili faigofie mo le “au faaletonuga” ma parasaita.” 

 “Sa aoaoina e tagata uma i le faagasolo i luma ona o le toatele o tagata sa taumafai e aumai i totonu tagata faipisinisi ma ona vaega uma,” o lana faaaliga lea. “Sa avea lea ma faate’i i le mafaufau ma matou te lei sauna. I lea lava taimi-o le toatele o tagata faaletonuga ma o mai i fafo, le anoano o tagata faipisinisi ia sa manana’o i au tupe. Ou te fai atu ia te oe , e matua anoano parasaite sa i ai ia latou te faate’i oe i folafolaga ma le lalolagi atoa. Fai mai Dowd o le toatele o tama taalo na leiloa a latou tupe  ma e matua tele “se vaega o tama taalo na ave ese –i latou ia na lafoa’in a ina ua le toe manaomia i latou.”

 “O Tama taalo poo tama taalo muamua e le o mai i luma e talosagaina se fesoasoani talu ai o lo latou lagona e tusa i latou ma tagata ua le pasi,” o lana faaaliga lea. “O loo e feagai ma le vaega aupito i malosi i le lalolagi-e le o ni tagata lelei ae latou te le ta’utinoina lena tulaga. 

 “O le itu ua faafefe ai a’u i le taimi nei  e faapea o le toatele o nei alii e o mai sa’o lava mai le a’oga. O ni alii ia e talavou o latou loto ma e leai se poto masani mo pisinisi poo le olaga. O le lakapi na te aveeseina se tulaga tau aoaoga taua mo le toatele o tagata.” Matou te matua ioe atoa i lea tulaga.  

 A tilotilo i nisi o mataupu o loo tatou talanoaina iinei, o loo i ai se manaoga ina ia puipui a tatou tagata ta’a’alo i le lumanai mai le ono faaaogaina ma taunuu ai i se tulaga e pei ona taunuu i ai nisi o a tagata taaalo iloga.  

O le mea moni o le mataupu e faapea o nei alii-e pei o Tua, Lomu ma Leaupepa-sa tatau ona lelei o latou tulaga. Sa latou galulue ma le faamalosi, sa matoua faatigaina lava i latou i se tulaga leaga mo a latou tupe o lona uiga e leai se tasi o i ai se aia tatau e faasese ai latou mai a latou tupe. 

O loo i ai foi le isi itu o lenei tala. Faamata na faaeteete nei alii e tusa ai ma latou tupe ma le faiga e faafoe ai a latou tupe maua- faamatala latou te taunuu i lenei ala? Ailoga?

O lenei tulaga e tatau ona avea ma lesona mo tagata uma lava, aemaise ai lava o tatou tagata taaalo talavou ua amata ona avea ma tagata taalo iloga. O lenei aso ma lenei vaitau, o le talnei na tupu mai ma le tagata e le tatau ona toe aiaina. E ao ona latou mata poto, e tatau ona aoaoina i latou ma e tatau ona si’omia i latou e tagata e alolofa moni ia i latou. Latou te le manaomia ni anufe.

O le pogai lea e matua uiga ese ai le matamata i le faagasologa o le AogaLakapi a Samoa. O le latou faamamafa o avanoa tau aoaoga e sili ona taua. O le itu o loo tau faailoa atu e faapea e tatau lava ona i ai se mea mo nei tama taaalo e tua i ai. O le isi itu, e tatau ona tuuina atu ia i latou le aoaina pe faapefea ona faafeagai ma tupe ma anufe ia e tasi lava le mea e mana’o i ai o le ave lea o a latou tupe na saili ma le tiga-ma gaoi mai ia i latou tupe e ao ona latou maua.

 

© Samoa Observer 2016

Developed by Samoa Observer in Apia