Avea ma fa’ata’ita’iga lelei

By Ilia L Likou 12 October 2017, 12:00AM

O lea le talitonuga o Osana Reti i le fa’atalatalanoaga ma le Fofoga o Samoa i le aso ananafi.

“Ia o le taimi lenei o lo’o o’u alu atu i le isi pito o le nu’u o lo’o faia ai se semina mo tinā aua le atina’eina o aiga.

“O lo’u ia iloa i ai o lea lava le tulaga o lo’o ua taumafai ai le taimi lenei , ma o se itu lelei tele lea mo a’u lava.

“Aua e pei o vaega nei e fesoaoani tele mo nai o tatou aiga i le aga’i atu ai le lumana’i.

Na ia fa’ailoa o lo’o i ai lana togala’au ‘aina o lo’o tele ina tua ai le aiga.

“Ia e ta’u mama atu lava e moni lava ia ae mana’omia lava fo’i tupe i le faiga o la’au ‘aina e le fa’apea na o lou alu atu lava aumai...

“E tatau lava ona tapena i ai, ia ae a o tatou va’ai i le taugata o le tau o le soifuaga o lo’o ua i ai nei ua fai lava sina taugata ua i ai.

“O le itu mautinoa a sese ai le fa’asoa a le tagata ia e matua’i leiloa lava po o le a le mea a fai, ae pei e sili ai lava le tauamafai ina ia atia’e lava aiga.

“O lea le mea ua mafai ona maua i lima, ia o lena lava.

O le avea ai ma fa’ata’ita’iga lelei i fanau o le itu sili lea ona taua.

“Ia e pei o vaega lava nei, na mafai ona maitauina mai matua i la aso o lo’o ua alu ai lava, ma o le lu’i fo’i ia i fanau.

“Aua o nei aso ua matanana i le velega o le vao, ae o la aso ia e leai ni totigilima ae vele fua lava....ae pei o a’u lava ia e taumafai lava e lu’i fanau ina ia ola magafagafa lelei.

“E leiloa le olaga i isi tausaga e i luma atu, ae o lona uiga a le to’a’aga ma fa’aa’oa’o i mea nei o lo’o taumafai atu.

“Ia e le mafai ona i’u lelei, o le isi lava vaega olo’o taumafai atu ai ina ia o latou iloa o le taumafai lea e fa’aaoga tatau tupe o lo’o o ai le aoga.

“Aua a lelei aoga ia o lea le fesoasoani tele i lo latou lumana’i.

By Ilia L Likou 12 October 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>