Fa'ataua le aiga

Tusia Deidre Tautua-Fanene ,

57 Hits

Tala Tufuga 31 tausaga o Aleisa

Tala Tufuga 31 tausaga o Aleisa

O Tala Tufuga, 31 le matua o le soifua o se talavou mai le afioaga o Aleisa.

I le la faatalatalanoaga ma le Fofoga o Samoa sa ia ta’ua ai le tāua o le faatauaina o aiga aemaise lava o le tausiga o mātua.

“O a’u ou te nofo I Aleisa ae o lea out e sau e asi nai o’u matua I Falelauniu ona ou te le’o faigaluega nei.

“O la’u lava lea masani pe a oo I aso out e le faigaluega ai.

“Ou te sau ai e fai feau a nai o’u matua ma vaai poo fai se laua taumafataga.

“Ou te faigaluega i le fale e uelo ai uamea I se tasi o nofoaga I le taulaga ma e toatasi au o loo iinei ma nisi foi o uso ma tuafafine o loo aumau I atunuu mamao.

“E ese lo’u fiafia pe a oo I aso ou te le faigaluega ai ona o le aso lea e fai ai so’u aogā I o’u matua.

“E leai se manuia e pito sili ona tāaua nai lo faamanuiaga mai matua pe a faapea e malilie o lau loto I le tausiga.”

Sa ta’ua e lea taulealea le vaai ma le faanoanoa I le tele o tupulaga o loo faamaimau taimi I luga o pasi ae le faaaoga tatau le malosi e tausi ai matua ma aiga.

“O le mafuaaga tonu lava lea ua ala ai ona ou alu o’u nofo I Aleisa ona ou te musu nei te’i ua aafia ai a’u I taiga a le tupulaga.

“Tele o tupulaga ua fai ma vaisū le usu I le taeao e tietie pasi sau le fale ua po e aunoa ma se mea aogā a le aiga o maua ai.

“Talofa e I nai matua sa tauasa mai I faigata ona o le naunau ina ia iu lelei aoga ao lenei ua maua loa le malosi galo loa le alofa.

“O le mea lea e lu’I ai le tupulaga talavou faaaoga tatau le taimi ma tausi matua aua o le manuia sili lea nai lo o nisi lava manuia.”

© Samoa Observer 2016

Developed by Samoa Observer in Apia