O lea le  fa’anaunauta’iga o lo’o nofo ma le  tama’ita’i i a Sina Tufa, 16 le matua o Falese’ela ma Vaitele.

“E pei o lea lava le miti o lo’o i a te a’u le taimi lenei, o a’u e i ai o’u mana’oga fa’apitoa ae le’o avea lea ma ala e tu’u ai lo’u fiafia i le aoga.

“Na uma loa la’u Tausaga Lima i Aele, o’u nofo loa ae o’o mai lava le taimi lenei o lea ou te fia alu lava le aoga. 

Na ia fa’ailoa o le ala ua mafua ai lava ona mana’o e avea o ia ma loia ona o ata e matamata ai le tv.

“Ou te fiafia lava le taimi e tau ai loia teine ma tagata i totonu o le potu fa’amasino.” O lana tala mai lea.

“I a te a’u, ou te mana’o ai lava la ina ia ou pea o loia na e o’o mai lava le taimi lenei.

“O nisi o tagata latou te va’ai mai i a te a’u e i ai o’u manaoga fa’apitoa, ae e le fa’apea la’a tu’u ai fua mea olo’o o’u mana’o ai le taimi lenei.

“O lo’u ia lea mana’oi, ae ou te iloa lava e i ai lava le taimi e maua ai le tali o la’u miti o lo’o o’u nofo ma a’u.

O nisi o fa’afitauli e feagai ma ia e le’o avea ma ala e muta ai lona fiafia.

“Ia e tele lava e valavala’au mai igoa i a te a’u ma ula mai, pei e tau le fiafia ai lava ae ou te alu lava e leai so’u popole i ai.

“Ou te iloa lava e a’u ia , a ou fiafia a , ia ua uma fo’i mea uma.

“O lea na ma omai ma so’u tei lea  fa’atau atu popo aua le matou koko alaisa, ia ma e fo’i atu loa le fale, ia fufulu loa ipu.

“Ou te fiafia lava e fai fe’au , aua e fesoasoani ai tele i lo matou aiga, ma e fiafia ai lava i latou i a te a’u.

“Ae o a’u ou te mana’o e fa’auau aoga i se taimi lata mai, ia ma maua ai le avanoa e feiloa’i atu ai isi tamaiti.

“Ia ma alu ai fo’i e ta’alo, i ta’aloga lae fai totonu o le aoga, ia ma toaga e fai a’u meaaoga.