“I lenei vaitaimi o loo tatou ola ai, e le toe tutusa taimi uma, o le aso lava ma lona suiga,” Gafanua.

O Gafanua o se tama faaipoipo ma e toatasi lona alo. O ia o se kamuta ma e talitonu lava ia i le galue malosi male faamaoni. O Gafanua foi o se tama e lotomalosi lava i le atinae ina o lona aiga ma o lona naunautaiga foi ina ia aua nei ola faalolo lona aiga ae ia malutia ma puipuia.

E le gata o Gafanua o se kamuta ma o ia foi e iai lona faatoaga tele o loo faamoemoe iai le tausiga o lona aiga.

“O si ou toalua, e nofo lava ia i le fale e vaai le ma pepe, ae o au ou te faigaluega aua foi le sailiga o se tupe e tausi ai lou aiga."

“Oute galue lava au i le mea e gata ai lou malosi aua le taumafai lava o le tausiga o aiga ma ia mautinoa o loo ola lelei.”

“Tele o taimi ua tau leai se tupe, ae e le tuu ai lava le ola naunau ia e galue malosi aua o lenei olaga, o le galue malosi lava e maua ai mea lelei male manuia.”

Sa fesiligia foi Gafanua ele fofoga o Samoa I lona foi ia manatu ile taugata ole soifuaga

“Ia au lava ia, o la e talafeagai lava le soifuaga ma o loo sologa lelei foi

“Ae tau sao atu lava, o matou ua kipi le matou aua e lei totogiina le pili ae e le faapea la kipi ona nofonofo lea… e sailiili lava auala e maua mai le fesoasoani, a leo le timu ua laalaa foi e asu vai mai I aiga tuaoi

“Ae ile taimi nei, o loo ou galue lava e saili se tupe e toe totogi ai le matou pili moli.”

“Ioe, e moni o loo tatou ola I lenei vaitau ole taugata ole soifuaga ae e tatau lava iai tatou ona tatou ola galulue pea, aua ole aso lava ma lona suiga.”