Galulue pea

By Ilia L Likou 13 October 2017, 12:00AM

O le galue malosi ai mo le lumana’i manuia o fanau o se tasi lea o itu taua e tali atu ai le taugata o le soifuaga o lo’o ua i ai nei.

O lea le finagalo o le tamā i a Ne'emia Nifo i le fa’atalatalanoaga ma le Fofoga o Samoa i le aso ananafi.

“Ia e pei o lea lava e tele fanua e mafai ona o tatou galueaina aua le lumana’i manuia o nai o tatou fanau o lo’o ua i ai le taimi lenei."

“E tatau lava fo’i ona fai matapoto uma lava mea uma aua ua tatou tau fai ioe ua le faigofie nei aso."

O Ne’emia e to’aono ona alo ma o le isi to’alua laiti o lo’o nonofo lava ma i la’ua ma le tinā o le aiga ae o le isi to’afa matutua ua faiaiga uma.

“E pei o lea lava le tulaga ua i ai le taimi lenei, e leai lava se mea e mafai ona faia e aunoa ma le galue malosi."

“O le fanau e to’alua e to’atasi o lo’o i Papaigalagala ae o le isi o lo’o ua faigaluega nei, ia o lea lava le fa’amoemoega o galuega uma o lo’o fai nei."

“E mo le fanau ia i’u ma le manuia, aua a manuia lava fanau ia e manuia atu ai ma matua latou, o le uiga o la’u tala e leai lava se mea e faigata pe a tu’u atoa lava i ai le loto."

O lana una’i i matua ‘ia tautuana e una’i nai fanau i aoga’.

“O le galue lava, ia o nisi o aso e ave ai maeamata e fa’atau i le maketi ma  o le tupe maua mai ia e fa’aaoga i aiga ma fai ai nisi o vaega aua le atina’eina o nai fanau."

“O le itu e sili ona taua o le taumafai lava ia fa’atino o so’o se vaeaga aua o le lumana’i lava o aiga o nai fanau."

“A e lulu lava ma loimata ma le tigaina ia e tali mai fo’i a latou taumafaiga."

“Ae o le taimi lenei ia e fa’afetai i le Atua o lo’o saogalemu pea Samoa i ona 'a’ao agalelei ma e leai lava se mea e faigata pe a o tatou fa’atuatua i a te ia."

By Ilia L Likou 13 October 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>