Malosi le afā o Gita

By Ilia L. Likou 15 February 2018, 12:00AM

Na fa’ailoa e le tamā i a Lealaiauloto Saitofi o Satapuala le fa’aleagaina ai o lo latou fale e le afa o Gita.

Sa ia ta’ua e na’o ia ma lona uso o lo’o ua galulue mo le tausia ai o le aiga i le taimi lenei.

 ‘Ia e pei e le’i sauni lelei atu lava pe sau se afa pe leai fo’i o le mea lea sa fai o se tulaga foi lele e mafai ona fa’atino ai o so’o se tulaga mana’omia.

 “Ia o le taimi lenei e leai ma se isi o toe nofo iinei i lo matou aiga ona ua fa’aleagaina uma mea uma.

 ‘Ia o le taimi lenei ia e leai lava ma se otaota ma se lapisi ua tapena ona ua leai nisi o toe nonofo iinei.

 “Ia o le isi foi fale o loo nonofo ai lo’u tuafafine ua leaga foi ia ua ou fai e sili ai le o i se itu. 

O Saitofi o ia o se kamuta.

‘Ia e pei o lea lava le tulaga o lo’o ua i ai le taimi lenei o le taumafai lava o aiga.

“E leai lava se isi mea aua ua o tatou iloa uma lava o tupe lava le fa’amoemoega o tatou aiga i le taimi lenei.

‘O se itu la e ao ai lava ona fa’aaoga lelei le taimi mo galuega aua e pei ona fa’ailoa atu le taimi muamua ua le toe faigofie nei aso i le vaai atu ai le taimi lenei.

“O le galulue lava lava ma fesoasoani aiga e manuia ai o so’o se taumafaiga.

“E ui lava i mala fa’alenatura ua o tatou maitauina ia o le natura lava lenei o le olaga o lo’o ua tatou i ai nei. “O se itu e ao ona tapena lelei i ai aua le aga’i atu ai le lumanai.

By Ilia L. Likou 15 February 2018, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>