Falepuipui se Alii Fofō Samoa ona o se solitulafono tau feusuaiga

By Pai Mulitalo Ale 15 June 2016, 12:00AM

O se alii fofō Samoa lea na ia aveina se teine a’oga sa na fofoina- ua falepuipui nei mo le 12 masina ona o se moliaga tau feusuaiga mo le 12 masina ma teine talavou. O le igoa o lea alii e 26 tausaga le matua e le o faalauiloaina  ina ia malu puipuia ai le tamaitai na aafia ai e 15 tausaga le matua, o ia lea o se tamaitai a’oga i se tasi o kolisi i totonu o le atunuu.

O lea alii ma faamaonia lona nofosala ma faasalaina ai e le Alii Faamasino o le Faamasinoga Sili o Vui Clarence Nelson ananafi. I le faagasologa o le to-laulauina o lona faasalaga, fai mai le Alii Faamasino o Vui o amioga a lea alii e matua le talia lava ma e tatau ona nofo o ia i totonu o le falepuipui. Na ia faailoa atu e faapea o lea ua i ai tulafono e puipuia ai teineiti mai tagata leaga e pei o ia lea e matua le kea lava i le tulafono ma le mea e lelei. 

Na toe ta’ua e le Alii Faamasino o Vui e faapea o le faasalaga tau le nofo i le falepuipui ua talafeagai ai lea ona e le gata ina ave e lea alii lea teineititi e 15 tausaga le matua i se fale kalapu, ae na ia faia foi se feusuaiga ma ia mulimuli ane ai.

E tusa ai ma le otootoga o mea moni a Leoleo, e iloa e le aiga o lē ua afaina le alii ua tuua’ia ona o ia o se fofō Samoa ma o le pogai lea na ia iloa ai lea teineitiiti. O le aso 20 o Fepuri 2016 sa na o lē ua  aafia sa nofo i lo latou aiga ae o lona tina sa alu i le bingo.

Sa tuu lana telefoni feavea’i i lo latou fale. Sa vili atu lē ua tuua’ia i le telefoni a le tina o le ua afaina ma talanoa ma le na afaina.  Na ia talosagaina o ia e faapea o lea o le a alu atu e aumai o ia. Na alu atu lē ua tuua’ia aumai lē ua afaina ma o e ti’eti’e ae la te le’i avea nisi o uo a lē ua tuua’ia pe tusa o le itula e 7 i le afiafi. Ona latou o lea i se tasi o fale kalapu.

.Mulimuli ane, na alu le ua tete’e momoli ana uo ma ina ua na o ia ma lea teineitiiti, o le taimi lea na fai ai le solitulfono. Ina ua uma ona faamalieina o ia, na alu momoli lea teineitiiti ina ua ta le itula e 11 i le po.

Ina ua iloa e le tina e le o i ai lana tama teine i le fale, sa na faafesoota’ia le nofoaga o Leoleo i Faleoloa ma faaulu lana tagi. O le po lava lea na saisai ai lea alii. I le faagasologa o le fofogaina o le mataupu, e le’i teena e le ua tuua’ia tuuaiga e faasaga ia te ia. Ae ui o lea, na ia faailoa atu i le Faamasinoga e le’i alu aumai le ua aafia mai lo latou aiga. Fai mai a ia na vili atu lea tamaitai ia te ia ma talosagaina o ia ina ia alu atu e aumai o ia ma na malie o ia i ai.

Na faatoese le ua tuua’ia i le Faamasinoga, ma ta’utino atu e faapea o le mea na ia faia e sese. “O le a maumau lo’u taimi i totonu o le falepuipui, o la’u galuega i le avea ma fofō Samoa e manaomia e a’u paaga,” o lana faaaliga lea.

By Pai Mulitalo Ale 15 June 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>