O le itu leaga o le faiaiga laititi
O lea le manatu faaali i le tina ia Petesa Sianamau i le Fofoga o Samoa i le faigata o le faiaiga laititi ma le tele lava o le mativa o loo iai nei mai lava le taimi na foai ai ia te ia ni tamaiti se toa lua.
“Ou te talitonu o le mativa i le itu tau seleni o se tasi lea o vaega pito sili ona mafatia ai le tele o tagata pei o a’u nei, aua a leai se seleni e leai foi se tupe e faasoasoa i meaai, lavalava, tamaiti aoga ae le tuua ai lava faalavelave masani i totonu o aiga taitasi.
“O lea foi le tulaga e avea ma mafatiaga i lo’u nei tagata i aso uma aua a leai a le tupe ua leai foi se faamoemoe.
O le fesili?
Faafefea ona avea le le lava le faasoa ma lape o le ola tuputupu a’e o tamaiti?
I le faasoa le tina ia Petesa sa ia faailoa ai e tele lava le afaina o ia vaega aua foi, a leai se tupe e le mafai ona ave tamaiti i le aoga, le lelei se nofoaga mo le fofoina o tamaiti, le lava le aoaoga, afaina i le tele o mea fai, e le gafatia le iloa ma le tomai i soo se me ae fai ma le maua foi ni galuega lelei mo le lumanai.
“Ae sili ai lava ona le lava le faasoa mo ia i lana tama pepe ae sili ai lana tama aoga.
“Ia o le taimi nei e ui i le tele le mativa ma le le tagolima e le mafai ona gata ai le naunau ina ia manuia si o ma fanau, ma na’o sei o’u toalua lava o loo faigaluega ma na o le pau lea o le ala ga tupe o loo matou faamoemoe ai.
“I lo’u lava ia iloa le soifuaga ma lo’u vaavaai i le olaga, tasi lava le mea e ave ia le naunautaiga o tagata o le tupe maua aua lava le faatusatusa i aoga a tamaiti ma o latou faanaunautaiga uma o le olaga.
Sa ia faailoa foi o matua uma lava e naunau ma tu malosi ina ia lelei lumanai o fanau e faapea foi le naunuatiga ma le faamoemoega ile tina ia Petesa i si ana fanau. Sa maitau foi le faigata le atinae o si ona aiga ua sa ia faailoa lana nofo lava le fale ina ua ma’itaga ile 20 o ona tausaga, e le’i mafai foi ona toe faaauauina le aoga, ae maise foi o le leai o sona malamalama se tasi i le tualaga tau fai aiga laitit.
“Mo le silafia na ou iloa loa ua ou ma’itaga (to) sa lilo lava i manatu e iai ni faafitauli faapenei i le olaga sa I le tauatina’eina le aiga, ia ae soia e leai lava se e mafai. Pau lava o le olaga ma ona laasaga uma.
Ia ole faatupu manatu lava o le faiaiga e leo se mea faigofie, o le faiaiga o lau filifiliga lea e faavavau lava o e filifili ia ma ua uma foi ona iai ni aiaiaga ete malie lava i le olaga o le a e oo ia ma mafatiaga uma le olaga e tusa ma mafatiga o loo feagai nei ma le tele o aiga o Samoa.
“Out e talitonu foi o a’u o se tina alofa, ma ou te le manao lava e ola mativa mai lava a’o laiti ae le gata i lea, o le tuaiga olaga o loo iai nei a’u le tina o le ola mativa. Ou te naunau ia latou iloa lelei lo ma naunau, tusa po le a le mativa e faia mea uma ina ia mafai ai ona maua se latou ola manuia, e muliga foi le tele o tupe o tagata mauoa i le tele o le naunau ina ia manuia o latou olaga.
I le isi foi itu ua polepole vale ai le tina ia Petesa o le nofoaga o loo latou nonofo ai nei Vaitele i mea tau faafitauli.
“E muliga foi le mafatia i le mativa I le mafatia o le mafaufau i le matou nonofo sefe ona o le tele lava o tagata onana ma le le mafaufau. Pau le tulaga ou te faanoanoa tele ai ona o si a’u fanau laiti o loo faalogo i ia faaupuga e lafo ma tulaga lava faapena.
“Ia ole masani lava i afiafi taitasi o le mautinoa ia sefe tamaiti ma matou momoe ma lea foi vaega out e iloa e leai se fofo.
“E talosaga ai atu ai foi ua tatau lava ona fai ni faiganuu I totonu o Vaitele e foia ai lea faafitauli aua lava le nofo filemu ma o fanau ae maise o aiga taitasi.
I le iloa lava o le tina ia Petesa, mai lava i ia faaitauli e le mafai ona ia tuua lava le galuega fai ma ua mafai ai foi ona laua foia isi mau faafitauli e tele.