Telē suiga o Samoa

By Ulimasao Fata 17 December 2017, 12:00AM

O le maua ai o le fa’atalatalanoaga a le Fofoga o Samoa ma Pupumai Vaipapa o Samata-Uta i le aso ananafi na ia fa’ailoa ai le faigata o le soifuaga o  lo’o ua i ai nei Savai’i.

O lona lea talitonuga.

Na ia fa’ailoa e tele lava le ese’esega o Savaii ma Upolu.

“O se suiga tele lea e pei ona ua i ai nei Samoa aemaise lava i le va o motu e lua, e pei o Upolu ma Savai’i lea ou te sau ai.

“E moni lava i Upolu ia o lo’o tatou iloa uma, ae o Savai’i e fai lava si faigata o le olaga olo’o ua i ai nei.

“O si o matou aiga ia e to’atasi le tagata faigaluega ma e pei o ia lava o lo’o fa’alagolago ai le tele o vaegao lo’o ua i ai nei.

‘O lo’o ua tatou iloa uma lava o Savaii e le pei o Upolu e moni lava ae maua avanoa faigaluega e le fa’apea la Savai’i, o le tele o tagata e su’e le ola ma le soifuaga i le vao ma le soifuaga.

“O lea le itu mautinoa, e  fa’alagolago tele i le maumaga ma le sami i aso uma ma o se tulaga  faigata tele lea i a te a’u lava ia ma lo’u iloa i ai.

Na ia ta’ua o le olaga e le aoga se nofonofo.

‘E pei o lea lava le tulaga o lo’o ua i ai nei o le taumafai ai lea o vaega aua le atina’eina o aiga aemaise o vaega uma e mafai ona fa’atino aua le aga’i ai le lumanai.

‘Ua o tatou iloa uma lava ua leaga aso, e le se olaga la na o le nofonofo ma matamata i le auala i le aso atoa le olaga lenei.

‘Leai, e tatau lava ona galue aua le aga’i ai le lumana’i aemaise o le tele o vaega e tatau ona fa’atino aua le aga’i ai le lumanai.

Na ia fa’aalia e i ai taimi e lelei ma taimi leaga.

“Ae o le  taumafai lava ina ia fa’atino o so’o se tulaga aua le aga’i ai le lumanai.

“O lea lava le tulaga e ao ona silasila ma ave ai le fa’amuamua o fanau ma aiga.

“E pei o le faigata tele lea o le soifuaga, ua taugata le soifuaga, e le se vaega la e ao ona o tatou nofoa’i ae taumafai ina ia fesoasoani i aiga.

By Ulimasao Fata 17 December 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>