Ola aoaoina mo le lumanai manuia
O le talitonuga lea o le alii o Matagofie Natura, 20-tausaga le matua mai Alafua, o le auala mo le tele o manuia I le lumanai o le maua lea o agavaa ma tomai mai le aoga.
O lona toe tausaga lenei i le Iunivesite Aoao o Samoa (NUS) ma o lona naunautaiga ina ia i’u lana taumafaiga I lenei tausaga, ma vave saili ai lo asana galuega e fesoasoani ai I ona matua ma nai ona tei.
“O lo’u manaoga ia uma la’u aoga I lenei tausaga, ma sue sa’u galuega mo lo’u aiga ma lo’u lumanai” o lana tala lea I le Fofoga o Samoa
E nonof mau le aiga o Matagofie i Savaii, ma I le taimi nei o lo’o nofo aoga nei i Alafua i le uso o lona tama, ma na’o ia le tamaitiiti aoga, ma tagata faigaluega e toalua o lona aiga.
E moni le tele o manatu o tagata ua taugata le tau o le soifuaga, ao ai e mafua ai? O le tagata lava ia o le le galue ma taumafai mo se manuia o ia ma lona aiga.
“E faigata le ola aoga, tele mea e fai e iai nisi o taimi ua lagona ai le faavaivai ma le augata ae o le lu’I lava a o’u matua out e faamaoni ma toaga I le aoga, aua so’u lumanai manuia ma lo’u aiga”
Tusa lava po o le a le taugata o le soifuaga ma le olaga aoga, ae o lo’o ave lava le faamuamua a ona matua ia te ia, o le ala foi lea o le una’i malosi ai i le aoga.
Na ia maitauina foi le tele o le eseesega o le olaga o Savaii ma Apia:
“Out e misia lo’u aiga aemaise o’u matua, aua e moni lava o aiga o lo’o nofo ai I le taimi nei, ae pei o matua a ia ma le aiga e maua ai lo ta malosiaga e faaauau ai la’u aoga”
Pau le tulaga faigata o lo’o feagai nei ma Maragofie, o le taugata lea o lona pili aoga, ae na ia faailoa e ese le pili aoga a’o meaaoga foi ma mea fai I totonu o le aoga.
“E le avea lea tulaga ma mea o lea faavaivaia ai a’u I lenei tausaga, pau lo’u naunautaiga o le toaga e fai le meaaoga ma mafuta I le Atua I taimi uma, aua e leai lava se mea e faigata i le Atua”
O lana lu’i lea mo isi tamaiti aoga-
“Toaga e fai meaaoga ma mafuta I le Atua, manatua le tapuaiga a nai ou matua ma lou aiga, aua o lo’o nofo tatalo mai mo oe ma lou taumafai I lenei tausaga ua amata”