Tofiga fou mo Magele

By Ilia L Likou 18 April 2018, 12:00AM

Ua tofia nei le Afioga i a  Magele Mauiliu Magele e avea ma Komisi o Fefa’atauaiga a Samoa i Niu Sila.

O se avanoa na fa’afetai ai e Magele le malo ona  o le avanoa ua tu’uina atu e  tautua ai le atunu’u i le fa’atalatalanoaga ma le Samoa Observer.

O ia ua sui tulaga nei i a Fonoti Dr. Lafitai Fuatai lea ua ma’ea le lua tausaga o tula’i mai le tofi, ma ia fa’ailoa  o le a tapena i  vaega uma aua le aga’i atu ai le lumana’i.

‘Ia o le agaga fa’afetai ona o lea avanoa ua tu’uina mai e le malo e tautua ai le atunu’u,”

E tele nisi o tofiga na se’ei mai ai le Afioga i a Mauiliu, e pei ona avea ai o ia ma Minisita o Aoga i le Paeaiga e pei ona ua mae’a atu nei, ae le gata i lea o le avea ai ma Tapa’au o le Iunivesite Aoao o Samoa.

E i ai foi nisi o fa’ailoga taualoa na ia mauaina a’o se’ei mai le Tofiga i le itu tau A’oa’oga ma nisi o tofi i totonu lava o le malo.

Na ia fa’ailoa e tele se vaega o lo’o ua silasila ai nei, ma o lo’o ua silasila foi e feiloa’i atu i le Vaega o Mataupu Tau Va i Fafo mo nisi o vaega e ao ona tulimata’ia aua lava le fa’alauteleina o le silafia i le tele o mataupu e ao ona silasila lelei i ai, ae le’i amataina i lona tofiga fou.

“O lo’o ua titilo atu lava le taimi lenei i le itu tau fa’afetauaiga mo atunu’u e lua, ma o se itu  e ao lava ona va’ava’ai i ai le taimi lenei.

“O nisi o vaega o le a taula’i i ai le va’ai e aofia ai le Vaega o le ‘Au Piki lea o lo’o o atu ai nai o tatou tatou tagata e galulue ai i Niu Sila.

“Ia ma o le a va’ava’ai atu pea i le lumana’i i nisi o vaega e ao ona fa’aleleia pea aua le aga’i atu ai le lumana’i.

By Ilia L Likou 18 April 2018, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>