O le vaiaso lenei o lo’o ua fa’ataunu’uina ai ia Fagatoga e pei ona masani ai totonu le atunu’u.

O lea tauvaga tele o Fagotaga e to’atele nisi o e autova’a mai ai mai atunu’u mamao mo lea fa’amoemoe tele.

Ua maitauina i lenei vaiaso le tulaga mata’ina o le tele o i’a lapopo’a o lo’o ua mafai ona maua mai e’i latou o lo’o i lea tauvaga e pei ona o lo’o fa’agasolo nei totonu o le atunu’u.

O lea tauvaga ua silia ma le 20 tausaga o fa’atautaia ai totonu o le atunu’u ma o le to’atele lava ua amata ona fiafia e auai mo lea fa’aaliga tele lava.

O se itu na o latou ta’ua  e fa’apea, o le tele o vaega nei o le taumafai lava lea ina ia o’o atu le tele o vaega fa’atino mo le lelei alu i luma o le atunu’u aemaise o le tamaoaiga.

O lea lava le fa’amoemoega o le malo i le taimi lenei o le mafai lea ona toso mai le atunu’u o le tele o tauvaga nei ina ia mafai ona tele ai le tupe maua o tagata o le atunu’u e omai totonu o Samoa.