Tofia e le Ekalesia se Failautusi Aoao fou

By Ilia L. Likou 18 May 2016, 12:00AM

Ua tofia e le Ekalesia Faapotopotoga Kerisiano Samoa se Failautusi Aoao fou i lana fonotele  faale-tausaga i Malua lea o loo faagasolo. O Reverend Vavatau Taufafo, lea sa avea talu ai ma Faatonu o Aoga mo le Ekalesia, na manumalo i le palota ananafi.

Na ia maua palota e 383 i le faafeagai ai ma le isi sui faatu, o Reverend Talia Tapaleao-lea na ia maua palota e 348. O Rev. Taufao sa suitulaga i le Failautusi Aoao muamua o Reverend Afereti Uili, lea na aveese e le Komiti a le ‘Au Toeaina ona o se tuuaiga tau feusuaiga e faasaga ia te ia.

I sana faaaliga i le Samoa Observer ananafi, fai mai Rev. Taufao-ua na lagona le loto “maulalo” ma le “faaeaina”ina ua filifilia o ia e avea ma Failautusi Aoao fou mo le Ekalesia. “Ia te a’u lava ia, e le o se faaiuga e faigofie (le tauva),” o lana faaaliga lea.

“Ae o la’u mate-o le finagalo lea o le Atua e ala i le ekalesia. O se faaaloalo lea mo a’u le tuuina mai ia te a’u o lenei avanoa uiga ese e tautua ai i le Ekalesia e tusa ai ma lenei tulaga. O le a ‘ou faia le mea sili ou te mafaia e galue ai mo le faaleleia atili o le ekalesia.

“Na ta’utino e Rev. Taufao e leai sona manatu o le a avea o ia ma Failautusi Aoao. “E leai lava so’u manatu o le a avea a’u ma Failautusi Aoao i lenei taimi,” o lana faaaliga lea. Ae peita’i-ua ‘ou lagona le loto faafetai ma le faaeaina.

“Ou te fia faafetai atu i le Ekalesia mo le faatuatuaina o a’u ma le talitonu i lo’u malosi e faatino ai lenei matafaioi.”. I le vaai i le lumana’i, fai mai Rev. Taufau e fiafia o ia e faaauau le galuega ua loa ona i ai.

O lea galuega e aofia ai ni galuega autu tau le fausia o fale ia e le’i mae’a “E faalagolago mea uma i le ekalesia ma le mea latou te manana’o ou te faia,” o lana faaaliga lea, “poo le a lava le mea latou te saunoa mai ai, ou te mulimuli ai, Na faafetaia e le Sui Taitaifono o le Ekalesia, o Rev, Elder Tavita Roma, Rev.

Taufao-e tusa ai ma lona tofiga fou. “E fai ma sui o le Fono Fono Tele a le Ekalesia, ou te fia faafeiloa’i atu ia te oe, Rev. Vavatau e tusa ai ma lou tofiga fou o le Failautusi Aoao lea o le Ekalesia,” o le saunoaga lea a Rev Elder Roma.

“Matou te momoli atu o matou moomooga ina ia e maua le mea sili ma ia alofa le Alii ma mafuta atu ia te oe i taimi uma.” O Rev. Vavatau Taufao e mai le nuu o Piu, Falealili. Ua 55 tausaga o lona soifua ma ua faaipoipo ia Roina ma e to’atolu o la alo.

By Ilia L. Likou 18 May 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>