Asiasi mai Ofisa Taualoa o le Malo o Kanata

19 February 2016, 12:00AM

Fa’aliliu e Maiava

 

Na asiasi mai i Samoa nei i le vaiaso talu ai, le Faufautua o le Amepasa a Kanata i Niu Sila, o Christian DesRoches.

O le asiasiga lea na maua ai lona avanoa e feiloa’i ai ma talatalanoa ma nisi o sui o fa’alapotopotoga ‘ese’ese i lo tatou lotoifale, i ni ‘auala e mafai ona fesoasoani mai ai le Amepasa o Kanata mo Samoa. 

E aofia i vaega nei, fa’alapotopotoga sa fesoasoani muamua fo’i iai le Amepasa o Kanata mo le fa’aauauina pea o fa’amoemoe ma ‘autu o Fa’alapotopotoga Tuma’oti ma isi i totonu o le atunu’u. 

O le Aso Faraile talu ai, na avea ai DesRoches ma le Komesina o Leoleo, o Fuiavailili Egon Keil ma malo-fa’aaloalogia i se polokalame na tu’u-fa’atasia e le Fa’alapotopotoga mo Tagata-Tetea (Clarence Sebastian Foundation- CSF).

O le fa’alapotopotoga lea na amata aloa’ia i le Aso 29 o Iuni i le 2012, mo le tausia o le soifua maloloina lelei ae maise le tali atu i mana’oga o tagata-tetea i Samoa.

I le taimi nei, e na o le pau lea o le Fa’alapotopotoga fa’apea o lo’o galulue mo le manuia o tagata-tetea i le itu i sasa’e o Niu Sila ma o le a o’o atu la latou galuega lagolago i isi motu tua’oi o le Pasefika e pei o Tahiti, Tonga ma Fiti. 

Ua leva ona fa’agasolo mafutaga fa’aleA’oa’oga a le Fa’alapotopotoga ma le fa’amoemoe mautu, o le fia fa’ata’otoina lea o ni faiga-fa’avae mo le puipuia o Fanau. O ia faiga-fa’avae, o le a fa’amautuina ai le puipuia o aia a fanau-tetea i taimi uma.

O lo’o fa’agaioi e le Amepasa o Kanata le tele o polokalame i totonu o le Pasefika ma o le tomai ma le ‘oa tau-silafia ua ‘ausia e la latou ‘aufaigaluega, o se tasi lea o puna’oa ma fa’amoemoega mo vaega ‘ese’ese ma fa’alapotopotoga nei e pei o le CSF e fa’atuatua iai. 

Na fa’afetaia e Fa’aofo Junior Leota – le na fofoaina le CSF – le fesoasoani matagofie, le lagolago ae maise fautuaga mai le Amepasa o Kanata ma le fa’amoemoe, o le la’asaga muamua lea o se mafutagata va-va-lalata o le a aoga ma manuia i le aga’i i luma.

19 February 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>