Faigata aso

By Ulimasao Fata 19 December 2017, 12:00AM

O lo’o sologa lelei mea uma mo Tuapola Konelio o Leulumoega se’i vagana ai e o’o mai lava le taimi lenei e le’o mafai ona maua se eletise.

Na ia fa’ailoa o se tulaga faigata tele o lo’o ua i ai le taimi ‘ona o le leai o se eletise mo si o’u aiga’

“Ua fai si leva o feagai si o’u aiga ma lea tulaga ma o se tulaga faigata tele lea i a’i matou ma nai isi aiga i le tele o aso.

“Ia o le isi tulaga o le mamao ese lea o le vaega o lo’o i ai lo’u fale ia a o’o ina po e matua’i pogisa lava.

 “E ta’u sa’o atu lava o lea lava e fa’aaoga le moli kalasini e pei ona amata mai ai le olaga i la aso.

Na ia ta’ua e le na’o le eletise le fa’afitauli  o lo’o feagai ai nei.

“Ia e pei o le tau o le soifuaga le isi tulaga ma o lo’u iloa i ai ua fai lava si tele o tulaga ua i ai nei, ma o se itu e ao ona silasila lelei i ai aua le aga’i atu ai le lumanai.

“E le faigofie ae mafai mea uma pe a o tatou galulue lava tatou, ua o tatou malamalama i le tulaga e pei ona i ai Samoa.

“E le mafai ona o tatou fa’atalale , e tatau ona o tatou va’ava’ai atu i itu uma e mafai ona fa’atino ai so’o se vaega.

“O le galulue lava, o a taleni ma agava’a ia o lena lava, fa’atasi ai ma le fesoasoani mai o le Atua.

O lona talitonuga lea.

“E pei o lea lava le tulaga o lo’o ua tatou mafatia ai o le tele o si’itaga ua i ai nei le tele o le mau oloa aemaise o auaunaga mo le agai ai le lumana’i.

“Ia o tatou taumafai lo tatou ola aua ua o’o mai aso leaga.

“O se lui foi lea i le tele o nai o tatou tagata, ia aua le nofoa’i aua ua faigata lava nei aso ua le toe faigofie e pei o la aso.

“O le ola lava e taumafai e gasolo lelei ai o so’o se taumafaiga.

By Ulimasao Fata 19 December 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>