Galue malosi mo aiga
O le maua ai o le fa’atalatalanoaga le Fofoga o Samoa ma le ali’i ia John Eveni o Tuana’imato o lo’o galue i le fa’amamaina o se tasi o fanau o lona tuaoi aua se seleni. O le ali’i lenei e 28 tausaga le matua le soifua ma e lei faia se aiga po se fanau foi.
“Ia o lenei aso pei ona tau mai, fa’atoa toma mai foi le maumaga e sau e faifai sina galuega.
O John o se tagata e talitonu i galuega a ona lima.
O lo’o nonofo fa’atasi Eveni ma le tasi o ona uso i Tuana’imato ma sa ia fa’amavae mai lana galuega ona o lona talitonuga e tele sana seleni e maua mai le ma’umaga.
O lo’o totoina nei ana fuala’au’aina aua le tausiga o lona aiga fa’apea fo’i mea’ai.
“I le taimi ae o o’o faigaluega e mo’i lava e le tutusa ma le taimi o lo’o ia nei lo’o maumaga.
“Ia o le maumaga lava o lo’o fa’alagolago iai. Ou te faifai lava ou te galue i lo’u maumaga.
“O aso uma lava ou te faigaluega ai lo’u maumaga. Ae ua pau foi nei le aso ua ou sau ai te galue le faiga la’u galuega ona o le tulaga sei koma mai foi.
“O a’u e leai se to’alua leai foi se fanau ae o na mea uma e leai lava se mea ou te popole ai.
“O le mea ia lena e talanoa ai mo le lumanai aua le atia’eina o a’u ia ma lo’u ia olaga mo le lumanai.
“O a’u lea o lo’o mafuta ma tausi matua ao nisi o o’u uso ma tuafafine o lo’o tau fai faigaluega faatasi aua seleni mo lo matou tina
“O aso nei ua le toe faigofie le sailiga o galuega ae ua saili lava ona o mafuaaga tatau aua le tausiaina o lo’u tina e fesoasoani ai i nisi o uso ma tuafafine i le tausiga o le aiga.
“O le fa’amuamua lava e ave le aiga, a le lelei le maumaga ia galue le sami aua nisi meaai aua foi o nei lava vaega e fa’amoemoe ai o le sami ma le eleele.
“E tau su’e lava galuega ae le fa’amoemoe le sami ma le eleelel o auala sili lenei ma taua.