E leai ni aia tatau a fanau - Tanielu
O lea le finagalo fa’aalia o le tamā i a Tanielu Satiu o Salimu Fagaloa.
Na ia fa’ailoa lona tete’e i lea tulaga aemaise o le mau lava lea ua tele ina tauave e nisi o le fanau.
“Ia o le mea muamua lava e ao ona silafia o lea le isi mafuaaga ua tele ai le mau fa’afitauli ua i ai nei i tupulaga talavou.
“Ua matua’i faigata lava e tagata ona fai i ai se togafiti i ai, ma o se itu lelei tele lea i le aga’i atu ai le lumana’i.
Na ia ta’ua o se itu ua fa’aletonu ai le taumafai a matua ina ia una’i fanau e fa’aleleia o latou olaga.
“Ia o la aso e leai lava ni mea fa’apea na fa’alogo i ai, e tasi lava le tala a le matua fai e le fanau fa’atonuga ia o nei aso.
“O lea le tulaga ua i ai matua, ma o se itu e ao ona silasila lelei i ai aua le aga’i atu ai le lumana’i.
“E tatau lava e nai o tatou tagata ona se’i toe silasila o le ala fo’i lea o le tele o le mau fa’alavelave tutupu mai e pei ona fa’ailoa atu le taimi muamua lava.
“O se vaega e le tatau ona fa’atu’utu’u i ai ona toe tigaina lea o tatou e tau fofo i se tulaga e ono o’o i ai.
“Ia o letulaga lava i le amataga mai o le olaga a le tamaititi Samoa lava ia , e pei o aso la sa pei e usita’i lava i matua, tusa po o le a le matua.
“O le faiga o fe’au e le tau fa’atonua fo’i lele, ia ae o le talutalu fou lenei i la’u titilo, ia ua i ai le fa’aupuga fo’i lea o le aia tatau a tamaiti.
“Aepeita’i o nei aso e pei a tau ita atu e taumafai lava e aua ne’i ita tele...ia o le tu lava i luga ua alu ese i lavelavea se isi se tulafono, ia a uma ua toe fo’i le fale ia ua sologa lelei fo’i mea uma.
“O a’u lava ia e ese ma lo’u tete’e i lea tulaga e pei ona tau fa’ailoa mai e i ai le aia tatau a tamaiti, ia o la aso pe ova le 20 tausaga o lae fa’alogo lava i matua.
“I lo’u manatu e tatau lava ona tu’u nei mea o tau fa’ailoa mai o aia tatau a fanau.