Ia atia’e aiga

By Ulimasao Fata 20 November 2017, 12:00AM

O lo’o sologa lelei mea uma i le atunu’u.

O lea le tulaga fa’ailoa e Onosai Talato i le Fofoga o Samoa i le fa’atalatalanoga.

“Ia o si o tatou atunu’u o lo’o sologa lelei mea uma i le alofa ma le agalelei o le Atua, ma o se tulaga lelei tele lea mo a’u lava ia.

“Aemaise ai pe  a maitau atu i atunu’u i fafo ma le tulaga olo’o ua i ai nei, pe a fua atu i atunu’u i fafo i le fevataua’i o lo’o ua i ai.

“O lo’u ia lea iloa iai, e moni fo’i a le tele o le mau fa’alavelave tutupu mai ia o natura lava ia o le olaga o lo’o ua tatou i ai nei pe a fua atu ai.

Na ia ta’ua o se tulaga lelei tele le taumafai ai pea ina ia ola e fiafia i le si’osi’omaga o lo’o ua i ai nei.

“E pei o lea lava le tulaga o lo’o ua i ai le taimi lenei, ma e pau lava le itu o lo’o ua fai ma fa’afitauli o le tau o le soifuaga.

“O lea lava lea o lo’o ua fa’aauau ai ona fa’atino vaega uma aua e pei o lea lava le manatu o lo’o ua i ai le taimi lenei.

“Ia o tatou iloa lelei, ia fua lo tatou ola i le tuagata ua i ai nei aso, ma o se itu lelei tele lea i la’u ia va’ai i ai aemaise o le aga’i atu ai le lumana’i.

“O lea lava le avega o lo’o ua tauaveina i le taugata o le tau o le soifuaga ua tatou i ai nei, ma o se va’aiga lava lea e ao ona i ai, o le taumafai o mea uma mo le lelei aga’i luma o aiga.

O le taimi lenei o niu o lo’o ia fa’atauina o lo’o fesoasoani tele.

“Ia e pei o lea lava le tulaga i lo’u ia iloa i ai, ia taumafai lava e atia’e o so’o se vaega, aua e pei ona ou ta’ua muamua ua faigata nei aso.

By Ulimasao Fata 20 November 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>