Ia tautua aiga

By Ilia L Likou 20 January 2018, 12:00AM

O le maua ai o le avanoa e fesoasoani ai aiga o se itu lelei tele lea ma le taua e pei ona fa’ailoa e Eteuati Vaio o Fasito’o Tai.

Na ia fa’ailoa o le taimi lenei o lo’o ua fa’alagolago tele le aiga i la latou fa’ato’aga.

“Ia e mo le silafia ai o a’u sa faigaluega muamua ma o se itu taua tele lea i a te a’u lava ia i le taimi lenei i lo’u iloa i ai o le nofo e fai le fatuaiga.

‘O le itu mautinoa o le mafai lea ona fa’atino o so’o se vaega aua le aga’i ai le lumana’i ma e pei o lea lava le itu taua.

“E moni lava la na faigaluega muamua ae pei e sili ai i a te a’u lea tulaga i le taimi lenei i lo’u iloa i ai.

“O le fai lava o la’u ia ma’umaga ia ma fa’aaoga tatau le taimi i vaega nei, ma o se itu lelei tele lea i lo’u ia iloa i ai.

“E le pei o le alu atu ai e faigaluega ia ae i ai tagata e vaa’ia ita ae pei o nei ia ia o lena e pei ona e silasila mai e alu lava i le maumaga i le taimi e mana’o ai.

Na ia  fa’ailoa o le tele o fa’afitauli e feagai ma ia mai le taumamao ma le  galuega le isi mafua’aga o le tuua ai o le galuega sa galue muamua ai.

“E pei o lea lava le  lagona o lo’o ua i ai le taimi lenei, ia o le taumafai lava e atia’e aiga.

‘O se itu  faigata tele lea i a te a’u lava ia i le taimi muamua ae ua alu a’i alu a’i ia e pei o lea lava ua sologa lelei mea uma.

“Ua tele lava sae aoga i le taimi lenei mo le tausia ai o aiga aemaise o le olaga olo’o ua i ai nei.

‘O le lelei lava foi lea o le nonofo ai ma faifai nai vaega ia i tua nei aua e mautinoa e fesoasoani tele ai aiga.

‘I a te a’u lava ia o lena lava, o lo’o ua taumafai ai nei aemaise o le aga’i atu ai le lumanai.

By Ilia L Likou 20 January 2018, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>