Taumafai lava aiga
E le faigofie le olaga i totonu o le aiga o le tamā i a Tauofe Faialaga o Nu’u.
Na ia fa’ailoa o le le lava ai o le fa’asoa o se itu faigata tele lea mo latou aiga.
“Ia o a’u e to’avalu la’u fanau na o si o matou aiga ia e tau atia’e lava.
“ O le to’alua o i latou ia o lo’o ave ta’avale a ta’avale laiti a nisi , ma e moni lava e maua mai a latou totogi ae o le itu mautinoa e le mafai lava ona maua se fa’amama avega i le taimi lenei moi latou.
Na ia ta’ua o ia o lo’o taoto i le taimi lenei ona o se fa’afitauli i lona mata.
“Ia ae pei mo le silafia o si o’u to’alua ia o lo’o fa’apea ona tele lava nisi o vaega o lo’o feagai ma ia, ma o lo’o saili fofo pea mo se fesoasoani.
“Ua leva ona saili fofo ona o se fula o lo’o i lona ua.
Na ia fa’ailoa i le Fofoga o Samoa le taugata lava o le soifuaga ua i ai nei.
“Ia e pei o lea lava le tulaga olo’o ua i ai nei, ua matuai faigata lava ona fai se vavega i le tau o le soifuaga e pei ona ua i ai nei.
“O le tele lava o le mau fa’alavelave aemaise le tau o oloa ia ua le gafatia lava i lenei taimi.
“Ia e leai lava se isi mea e mafai ona o tatou fa’atinoina i lenei taimi ae o le taumafai lava e atia’e aiga.
Sa ia ta’ua o lo’o i ai lo latou ma’umaga o lo’o fesoasoani mo le tausiga o lo latou aiga.
‘Ia e pei o lea lava le tulaga o lo’o ua i ai nei, ua matuai faigata lava mea uma ae e fa’alagolago lava mo vaega nei mo se tupe fa’asili.
“ E ui lava ina tele le mau mea feagai ai ae fa’afetai i le Atua i lea aso ma lea aso.
Na ia fa’ailoa o nisi o fanau-a-fanau o lo’o ua amata nei ona tapena mo le toe a’e o aoga.
‘Ia e pei o lea lava le tulaga o lo’o ua i ai nei, ua matuai faigata lava ma ua tauau ina le gafatia le tele o le mau fa’afitauli o lo’o ua aliae mai.
“O nisi o taimi ua le mafai lava ona fa’atino o vaega e mafai ona fai , ae va’ava’ai pea i luma aemaise ai lava le fanau ia manuia a latou a’oa’oga.
‘O se tasi o afafine o lo’o i Savaii ma e to’avalu si ana fanau, ma e to’atele lava fanau ua fa’amanuiaina ai lenei aiga.