Leai se suāvai maua

By Ilia L. Likou 21 August 2017, 12:00AM

O lea le finagalo o le tinā i a Akenese Ah – Sam o Fasito’o-Uta i le Fofoga o Samoa i le fa’atalatalanoaga ma le Fofoga o Samoa.

Ona o lea tulaga, na ia fa’ailoa ai le taumafai  ai pea  e sa’ili fesoasoani mo se tanevai mo lona aiga i le taimi lenei.

O le taimi lenei o lo’o nonofo Akenese ma lona aiga e to’alima i ga’uta o le afio’aga ma o le leai ai o se suavai i le taimi lenei o se tulaga faigata tele  o lo’o feagai ai ma’i latou i aso uma.

 “Ia e mo le silafia e tele lava fa’afitauli e feagai ma le aiga nei ona o lea tulaga, ma ua o tatou iloa uma lava aua o le suavai o le ola lea.

 “O le tele o taimi, ia e fa’alagolago i le timu, ma e lelei la i aso timuga aua e tele ai le suavai maua, ae o taimi o mugala e pei o lea le tulaga mafatia e matua’i tu ai lava le fa’aletonu le aiga nei.

Na ia fa’ailoa i le Fofoga o Samoa o le isi tulaga faigata o lo’o feagai ai o le su’eina lea o le suavai.

 “Ia e pei ona outou silafia e leai se ta’avale a le aiga nei e pei e tau fa’afaigofie ai ona ao le suavai mai lea aso i lea aso.

“Pe la fo’i la  fo’i la e tele ni pasi e o’o mai uta , aua e pei na o le tasi lava le le pasi ae na’o le taeao lava e sau ma le afiafi  i le taimi e manava ai tagata faigaluega. 

“Ia o se tulaga faigata tele o lo’o mafatia ai si o matou nei nu’u i uta nei, ma e  mo le silafia ua leva tele ona  feagai ma le faigata lenei i le itu tau i le suavai.

 “Ia o le lua tausaga na sau ai le polokalame e fa’apea o le a mafai ona maua se fesoasoani i le itu tau tane vai , ia o lenei lava e tatali. 

“O lenei o le a toe uma atu lenei tausaga o lo’o o matou talia lava i le taimi lenei.

Na fa’ailoa e Akenese o lo’o o  latou fa’aaogaina kalone ma paelo mo le aoina o le suavai. 

 “Ia i fa’apea mai i le tuai ona maua pe fa’atau se tanevai, ia e fuafua lava i le itu tau seleni e pau lava le alagatupe o lo’o mafai ona maua e lo matou aiga e aumai mai i le fa’atauina o nisi o fua o fa’aele’eleaga lea maua mai ai sina tupe.

 “O le aiga lenei e leai nisi, na’o a’u lava ma la’u fanau ma lo’u to’alua, ia e pei o fanau lava o lo’o ave ai le fa’amuamua i le taimi lenei.

Na ia ta’ua sa i ai le taimi na fa’atagisia ai le malo  vaega nei.

 “Ia o le tatalo lava o lo’o i ai le taimi  lenei ia vave ona tali mai.

By Ilia L. Likou 21 August 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>