Toniga Fou mo le Ekalesia Penetekoso Nu’u Fou

By Ilia L Likou 21 December 2017, 12:00AM

O se aso fiafia mo le Ekalesia Penetekoso i Nu’u le auai ai lea i pesepesega mo le alo atu ai i aso fiafia ole fa’amanatuina o le Fanau mai o le Mesia i lenei tausaga.

O le Aso Sa na se’i mavae atu nei na o latou laeiina ai le toniga elei lanumeamata aua lava le tapenaina atu ai i fa’atasiga a le ekalesia aoao lea na fa’ataunu’uina lava i lea aso.

Na fa’ailoa e le Fa’afeagaiga i a Ps. Eneliko Viliamu le agaga fa’afetai ai lea i lea tulaga ona o le mafai ai ona fa’aiu lenei tausaga ma le manuia.

“Ia e pei o lea le agaga fa’afetai  o lo’o ua i ai le taimi lenei ma o lea lava le agaga o lo’o ua mana’omia lenei vaitau.

“E pei ona i ai si o matou ekalesia lenei, ia o le toniga e pei ona ua tapena mo le alo atu ai i nisi o fuafuaga o le kirisimasi aemaise o fa’atasiga a le ekalesia o le taumafai lava lea e una’i le agaga moni o lenei vaitau ua o tatou i ai.

“E le gata ina tapena le ola fa’aletonu ae o le ola fa’aleaga ia paleni mea uma aua e pei o lea lava le tulaga olo’o ua silasila i ai lenei taimi.

“O se itu taua o le mafai lea ona auai fa’atasi o le ekalesia e amata mai lava i nai fanau se’ia o’o i tamā ma tinā matutua o le ekalesia.

“E pei o lea lava le agaga maualuga o si o matou ekalesia nei.

Na fa’ailoa e Ps. Eneliko o le vaitau e toe tomantu ai ae o se fa’amanatu a le au kerisiano uma.

“E pei o lea lava le tulaga o lo’o ua i ai nei, o le uiga o la’u tala o nei tapenga uma o pese o siva ma vaega uma, o se fa’amanatu i le Taulaga Silisili ua saunia e le Atua mo le ola ma le soifua o lana fanau i le lalolagi.

“Ia talosia ia le alo atu o le lalolagi aemaise o si o tatou atunu’u mo le fa’amanatuina ai o lea aso taua.

“Ia manuia tele le Kirisimasi ma le Tausaga Fou mai le Ekalesia Penetekoso i Nu’u Fou!

By Ilia L Likou 21 December 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>