Ia saogalemu la’u fanau - Siaunofo

By Ioana Tupa'i 21 December 2017, 12:00AM

O le maua ai o le fa’atalatalanoaga ma Siaunofo Seti o Lotoso’a Sale’imoa na ia fa’ailoa ai le mana’omia o se fesoasoani mo ia ma le aiga.

O lo’o ua tatou i ai nei i vaitau o aso timuga ma o se  vaega o lo’o ua tulimata’ia e ia o le mafai lea ona saogalemu mea uma mo i latou ma le fanau.

 “Ia e pei ona outou maitau mai ai o lea ua o’o fo’i vaitau o aso leaga ma e mana’omia lava le saogalemu o le ola o le fanau,

“O le aiga nei o si o’u to’alua ae o a’u e sau mai Malie ma e to’aono la ma’ua fanau, o le ulumatua o lo’o i matua ae o isi o lo’o i a’i ma’ua lava ma le to’alua.

 “Ia e pei o lea le tulaga mana’omia o lo’o ua i ai le taimi lenei o ni vaega e mafai ai ona o matou fausia lo matou fale mo le lelei alu i luma i le taimi lenei.

 “E mo le silafia o lo’o mafai ona fa’atauina atu  esi, ma kukama ma isi fuala’au aina o vaega nei o lo’o ua fesoasoani tele mo le tausia ai o le aiga i le taimi lenei ma o se itu taua tele.

Na ia fa’ailoa e tele ina maua tupe i le  fa’atauina ai o fua o  fa’aele’eleaga i taimi pe a ave i tai.

“Ua o tatou iloa uma lava le taugata o le tau o le soifuaga o lo’o ua i ai nei ae o lo’o ua taumafai lava ina ia fa’atino vaega uma mo le lelei alu luma o le atunu’u.

O le vai le isi fa’afitauli o lo’o ua feagai nei ma le aiga.

“E pei o lea lava le tulaga faigata o lo’o ua i ai nei.

“Ua o tatou iloa uma lava le aoga o le vai, ae pei o lea lava le fa’afitauli o lo’o ua feagai ai nei ma o se itu e ao ona malamalama i ai.

By Ioana Tupa'i 21 December 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>