Miti e fia avea ma faiaoga

By Fetalai Tuilulu’u 22 February 2017, 12:00AM

Ou te talitonu o le tupe lava le manaoga  sili ona tāua aua le fa’auauina o aoga. 

“E fia avea lava a’u ma faiaoga i le lumana’i.

O lea le manatu fa’alia ia Tupuivao Kerisimasi, 14 tausaga le matua o le vaega 9 i Aāna Numera Lua i le fa’atalatalanoaga ma le Fofoga o Samoa le aso ananafi, a’o aiga’i atu i si ona aiga.

Sa ia fa’alia le olaga mativa o loo iai nei si ona aiga ma le le tagolima lava. 

“Ia ua tou vaai mai o la’u lava lea galuega masani o le la’a  mai lava le aoga i taeao ma afiafi, ona o le le lava o le fa’asoa. 

“Silafia foi si o mātou aiga o tupe lava mea uma ae nā’o si o’u tina lava o lo’o fa’amoemoe iai mea fai, o le ala foi lea o le savali le fale ona o le le lava o le fa’asoa. O lona lea manatu fa’alia.

Sa tāua foi e Tupuivao e lagona lava le māma le māasiasi i le la’a le fale ae le toatele o tamaiti e o le a pasi ma lā fa’aoso fia ia le musu e alu le oaga.

“Peta’i o le naunautaiga lava ia te a’u ia vave maua se fesoasoani mo lo’u aiga, tusa lava pe lā pe timu e onosai lava.

O lo’o nonofo nei Tupuivao  ma lona aiga i Siufaga Falelatai ma ia foi le ulumatua o le fānauga ā ona matua o lo’o taumafai nei mo se lumana’i manuia.

“E ta’utino atu e le mafai ona maua se fesoasoani vave o le tina pe a le aunoa mā se fesoasoani i la’u aoga. 

“E silafia foi, o lo’u iai nei le vasega 9 o se tasi o lu’itau i lo’u olaga i le vaega o lo’o o’u moe miti ai nei e avea a’u ma faiaoga le lumana’i. 

“O ia vaega uma e le mafai ona fa’atino pe a aunoa ma le tupe pei lava ona iai lenei vaitau o le tupe lava le tali o so’o se fa’afitauli. 

“O le tupe maua a le tinā e $150 i le vaiaso, mā o lea tupe e le taitai ona lava ai le fa’asoa, aua e fai o mea fa’alelotu, mea fa’a le nu’u ae le gata foi i lea meai mo matou le fanau.

“O le ala foi lea o le talosaga lava i se fesoasoani, aua lava le fa’amāmāina le avega a le tina o le aiga.

Na taua foi e Tupuivao i lona laititi lava o lo’o ia maitau le faigata lava o le olaga ae peitai o lo’o ia mulimuli lava i le fatuaga si ona tina “tupe pe leai se tupe e iai lava le auala e foia ai aua o lo’o soifua lava le Alii. 

“Ou te ta’utino atu,e leai se vaega o fa’apopole tele ina ai lo’u nei tagata aua tusa pe savali le fale, fia ai ma leai se tupe ou te talitonu o lo’o soifua le Atua e ona le mana uma. 

O lou fesoasoani o le a avea ai Tupuivao ma faiaoga e fesoasoani tele ai i lona tinā le tausiga le aiga.

By Fetalai Tuilulu’u 22 February 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>