TA’UTINOGA A SAGATO AOKUSITINO-OLA FAATA’ITA’I IA Keriso

By Fuimaono Na’oia Faasavalu Touli F. Tupua 23 May 2016, 12:00AM

 ‘IA ‘AUA NE’I TUUINA ATU LO TATOU FILEMU I TAGATA’

“Lo’u Atalii e-afai e te tuuina atu lou to’afilemu i soo se tagata ona ua maoa’e lou manatu ia te ia, ma ua lua masani ma ia-o le a e le mautinoa ma saisaitia ai oe. Ae afai e te tuuina atu oe i le Mea Moni e tumau pea e faavavau ma mausalī-o le lafoa’ina poo le oti o se uo-e le tatau ona e faanoanoa ai.

E tatau ona tuuina mai ia te A’u le alofa o lau uo- ina ia tumau ai-ma ona o A’u-e tatau ai ona alofagia tagata uma lava-tusa lava pe o ai-ae o ia lea ua e iloa e lelei-ma e pele ia te oe i le ola nei.

A aunoa ma a’u e fai ma a outou uo-tou te le maua se malosi e faatumauina ai-ma ona o A’u-e leai se malosi e maua e faiga-uo; e le mafai foi ona moni le alofa-pe a aunoa ma A’u. E tatau ona e matua fulitua i lea ituaiga o alofa- o uo alolofa-e sili ia te oe ona e faia se filifiliga e aunoa ma soo se faiga-uo ma tagata.

O le sili ona latalata o le tagata i le Atua-o le mamao foi lena o lona maua o mea mai le lalolagi nei.

Ae o lē na te tuuina atu soo se mea lelei ia te ia-ua na taofia le alofa o le Atua mai le alu atu ia te ia, talu ai- o le alofa o le Agaga Paia -na te sailia le loto maulalo. Ia e a’oa’o i mea uma lava ina ia e manumalo ai ma maua oe lava mo Lē na faia oe-ona mafai lea e Ia ona tuuina atu ia te oe le poto faale-agaga!

By Fuimaono Na’oia Faasavalu Touli F. Tupua 23 May 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>