Ua una’ia e le Palemia le toe teuteuina o le Faavae

By Lanuola Tusani Tupufia 23 May 2016, 12:00AM

Ua toe faamaonia e le Palemia o Tuilaepa Sailele Malielegaoi le faamoemoe o lana faigamalo ina ia toe teuteu le Faavae e avea ai le Talitonuga Faa-Kerisiano ma tapuaiga aloa’ia a Samoa. Ae peitai na te le’i faailoa maia pe o le a aloa’ia e le malo le talosaga a le Faalapotopotoga a Ekalesia Soofaatasi ina ia tapu isi tapuaiga e pei o le Isalama.

E ala i sana faaaliga i le polokalame o fono i vaiaso ta’itasi ma nusipepa, fai mai Tuilaepa e tatau ona matua faaeteete Samoa i le talia o tapuaiga ia e tupu mai ai vevesi ma le “ita fasioti tagata”e avea ma ituaiga o tapuaiga.

O le Talitonuga Faa-Kerisiano, fai mai a ia, na te le faia lenei ituaiga o faiga, Ma o le pogai lea e taua ai ona toe teuteu le Faavae o Samoa ina ia atagia ai e moni lava o Samoa o se atunuu Kerisiano.

“O le a fai e le malo ni teuteuga i le Faavae e matua faatu matilatila ai i totonu o le tino o le Faavae e faapea o le tapuaiga aloa’ia a Samoa o le Talitonuga Faa-Kerisiano,” o lana faaaliga lea. “O le Faatomuaga e leai sona malosi ma o le itu lea e tatau ona matua faama’oti i totonu o le tino o le Faavae.”

A tilotilo i atiina a’e i totonu o isi lava atunuu, fai mai Tuilaepa o ta’ita’i o le atunuu latou te mata’ituina atiina a’e a le lalolagi ma ua faate’ia i latou i le tele o le faamaligi-toto a talitonu faale-lotu ia e una’ia lenei faiga e avea ma mea masani tau le tapuaiga. 

Na te le’i ta’ua soo sea ituaiga o lotu ae na ia faailoa maia mea o loo tutupu i Sasa’e Tutotonu ma osofaiga tau- faamata’u i isi nofoaga e latalata mai ma atunuu mamao. 

E tusa ai ma le Palemia, e leai se mea o sese i le Faavae ae o loo manino mai se mana’oga ina ia fai ni suiga e atatia ai le tulaga o loo i ai i le taimi nei.  

I aso ua alu a’o tusia le Faavae-sa leai ni tagata faapenei, o lana faaaliga lea.Ae ua le faapena le taimi nei,” o lana faaaliga lea. “E anoano mea o loo tutupu i atunuu mamao ona o talitonuga faale-lotu.”

O le mea la lea matou te manana’o e fai-o le fai lea ina ia alloa’ia i totonu o le Faavae e faapea o Talitonuga Faa-Kerisiano o le tapuaiga aloa’ia lea i totonu o Samoa. 

.Ina ua fesiligia pe o le a le lotea ai e le faigamalo le sa’olotoga tau tapuaiga pe ana faia lea tulaga, fai mai Tuilaepa e leai. Fai mai a ia o loo i ai se laina ma’oti manino lelei i le va o le sa’olotoga tau tapuaiga ma tagata faatupu faalavelave ia e faaaogaina lea sa’olotoga e ta’u amiotonuina ai a latou faiga faasaua. 

 “O le eseesega lena,” o lana faaaliga lea. E leai se atunuu na te manaomia so latou Faavae ina ia aofia ai i latou e talitonu i le tapuaiga e faatagaina gaoioiga tau fasioti tagata.” A tilotilo i le Faavae e pei ona i ai i aso nei, fai mai Tuilaepa e pau o le mea o loo talanoa i ai le faatomuaga o le Talitonuga Faa-Kerisiano ma aganuu a Samoa ae leai se aoga o na mea. 

O le Faatomuaga o le Faavae e faitauina faapenei:  “ Ona ua faaalia  e Taitai e Taitai o Samoa le tatau ona avea Samoa ma Malo Tuto’atasi e faavaeina i luga o talitonuga faa-Kerisiano ma tu ma aganuu a Samoa…..” 

Na toe faaalia e Tuilaepa e faapea o le vaega lona lua o le teuteuga e tatau ona faaalia ai le taua tutusa o tagata taitoatgasi ma aia tatau e faasino i ai. I le tele lava o itu, fai mai le Palemia o aia tatau a tagata taito’atasi o loo faatauaina i lo le afaina o ia aia tatau a se vaega o tagata. 

 “A tulai mai se finauga i le va o se tagata e to’atsi ma se ekalesia atoa, e aloa’ia e le Faamasinoga aia tatau a le tagata e toatasi ae teena aia tatau a le ekalesia,” o lana faaaliga lea. O le uiga o lea mea e faapea o aia tatau  a (tagata ta’ito’atasi ma se vaega) e tatau ona tutusa le faatauaina.”

Na toe faaalia e le Palemia e faapea e taua ona ia faamalamalamaina le mataupu ina ia le toe tusia ai e le “Samoa Observer”se isi mea e le sa’o-ina ia mafai ai ona faatau atu a latou nusipepa e faavae i luga o na mea sese. “A tilotilo atu i tusitala o tala fou: “Tou te malamalama i le faamatalaina o na mea? E mafua ona o fai’ai o loo i le Samoa Observer e papa’u.”

By Lanuola Tusani Tupufia 23 May 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>