Agalelei Island Rock i aiga

By Ulimasao Fata 22 December 2017, 12:00AM

Na fa’ailoa le agaga fa’afetai o aiga e sefulu na mafai ona agalelei i ai le Island Rock Kamupani i a’i latou.

O nei aiga na tu’uina atu ai tusitusiga i luga o le itualu o le Village Voice.

E aofia ai aiga, Tavita Kalolo o Lotofaga, Ionatana Vili o Toamua-Uta, Moamoa Kitiona o Lotofaga, Samuelu Mika o Leusoalii, Lotu Palauni o Safata, Finau Lino o Leulumoega, Fuga Nive o Apolima, Paulo Visesio o Faleula, Soolefai Sitagata o Lotofaga ma Laiga Ale o Toamua Uta.

Na fa’ailoa e le afioga i a Seiuli Paul Wallwork ma Su’a Julia Wallwork o le kamupani le fiafia ai lea e maua ai le avanoa e fesoasoani ai le tele o aiga ma o le manatu maualuga lava lea o lo’o i ai lenei vaitau o faigameaalofa.

E tusa ma le $1,000 na fa’aaluina mo aiga e sefulu o le kamupani.

Na fa’aalia le agaga fa’afetai na fa’amanuiaina i nei foa’i na agalelei ai le Island Rock.

Na fa’ate’ia le tele o aiga ona latou te le’i mafaufauina le afea ai o i latou i lenei vaitau o le tausaga.

“Ia lagona lava le agaga fa’afetai ona o le mafai ai lea ona amanaiaina o matou nei tagata.

“O le itu taua lava lea i a te a’u ia ma le aiga, fa’afetai tele Island Rock.

Na ia fa’ailoa fo’i o uiga o lenei vaitau.

“O le itu mautinoa e leai se isi e alu alu manatu mai fua, ae e pei o se itu taua tele lea i a te a’u ia ole amana’ia ai lea o o matou tagata fa’atauva’a.

“O le agaga maualuga, Le Atua Pulepule Tetele fa’atutumu mea uma aemaise o tupe ua fa’agaogaoina mo i matou.

Na saunoa Jerry Wallwork le taua ai pea lea o le tufatufaina o nei vaega i lenei vaitau mai le Kamupani.

“Ia e pei o lea le aano moni o le Kirisimasi, o le vaitau e feavea’i meaalofa aemaise lava le alofa ina ia tumau ai pea i lo tatou ola i aso uma.

“Ia maua e fa’atasi e Samoa se Kirisimasi Fiafia ma se Tausaga Fou manuia.

By Ulimasao Fata 22 December 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>