Sauni e tau le taua!

162 Hits

Ua faitau itula nei le fa’amoemoe a Lupesoliai Joseph Parker ona fa’ataunu’uina loa lea o lana fusuaga tele e pei ona o le a faia i le afiafi o le asō i Tuana’imato.

O le aso ananafi na fa’ataunu’uina ai se savali tele lea na mafai ona auai atu ai nisi o fa’alapotopotoga fusu i Samoa ae le gata i lea o le Kolisi o  Avele ma Don Bosco ae le mafai ona faitaulia ai le mamalu o le atunu’u na lolofi atu mo le molimauina o lea alo o le atunu’u.

O pauna e pei ona ua i ai Joseph Parker e 108.9, ma o lona fa’amoemoega tele lava ia mafai ona fa’afiafiaina le mamalu o le atunu’u i le fa’aiuga o ana taumafaiga.

O le ali’i fusu mai Amerika o Jason Bergman e 116.7kgs.

Saunoa Joseph Parker o le taimi lenei ua atoatoa lona malosi ma na ia fa’afetaia ai lana faiaoga mo le a’oa’oina o ia.

Na ia momoli fo’i lana fa’afetai i le mamalu o le atunu’u na mafai ona lagolagoina lona taumafai.

Mo le ali’i i a Bergman, o le tali e faigofie lava ‘fa’atali se’i o’o i totonu o le maea’

“O le a ou taumfai i le mea e gata ai le mafai , ma o le i ai se tulaga o le a fa’ate’ia ai le toatele o tagata.

O le afioga i le Ali’i Palemia, Tuilaepa Sailele Malielegaoi na ia saunoa e ave le fa’amalo ma le fa’amalosi i Joseph mo ana fusuaga i le afiafi a nanei.

© Samoa Observer 2016

Developed by Samoa Observer in Apia