Ua taugata le soifuaga

Tusia Sarafina Sanerivi ma Ilia L Likou ,

114 Hits

a Pani Ainu’u 50 o Fagaloa na ia fa’ailoa ai le le gafatia ai lea o le to’atele o le atunu’u o le soifuaga o lo’o ua i ai le taimi lenei.

a Pani Ainu’u 50 o Fagaloa na ia fa’ailoa ai le le gafatia ai lea o le to’atele o le atunu’u o le soifuaga o lo’o ua i ai le taimi lenei.

O le fa’atalatalanoaga a le Fofoga o Samoa ma le tamā i a Pani Ainu’u 50 o Fagaloa na ia fa’ailoa ai le le gafatia ai lea o le to’atele o le atunu’u o le soifuaga o lo’o ua i ai le taimi lenei.

O Pani e to’atolu ona alo ma le tinā o le aiga ma o le taimi lenei o lo’o taumafai lava ina fa’asoa  ma le poto aua le aiga.

“Ia o a’u ou te faigaluega, ma e le tele so’u totogi e maua ae ou te ta’u sa’o atu lava e na’o le aso Faraile e va’ai e o’o atu le Aso To’ona’i ia ua matua’i leai lava se tupe i le taga.

‘O se itu e fa’anoanoa ai ona o lea tulaga, ae o lo’u ia iloa i ai, atonu o lea lava le soifuaga o le a  i ai i le lumana’i.

“I a te a’u e va’ai lava i fanau o a taeao.

“O la’u ia molimau le tulaga e pei ona ua i ai Samoa, o totogi ua alu i lalo ae o tau o oloa ma auaunaga ua sili atu i ao.

“E fia tausaga e ta te faigaluega ona fa’atoa maua lea o se totogi, o se itu ua tele lava i latou ua o latou feagai.

“Ou te iloa lava ua pagatia ai le tele o nai o tatou tagata, ma o se vaega e ao ona nofo uta ia ina ia aua ne’i nofoa’i le taimi lenei.

“O se o matou aiga e ta’u sa’o atu lava e tau fa’asoa le  seleni ia aemaise ai lava pe a  ta’u mai fa’alavelave me le tele o le mau mea  o lo’o ua feagai ai nei.

Na ia ta’ua o le tele lava o taimi o lo’o fesoasoani si a latou fa’ato’aga pe a le lava le fa’asoa.

“Ia e pei o sina fa’ato’aga lava o lo’o tu tu ‘a’ai i vaega nei ma o se itu o lo’o ua matua’i  fa’afetaia ai le alofa o le Atua.

“O lo’o ia fesoasoani mai ai pea, i le tele o taimi aemaise o mafatiaga olo’o ua tatou i ai nei.

“E le faigofie le tulaga ua i ai Samoa e pei ona ou fa’asoa muamua atu, ae tatou tau fai tatalo ia e maua mai ai le fesoaosani mo i tatou.

© Samoa Observer 2016

Developed by Samoa Observer in Apia