O Tagata-nuu poo Sitiseni o Samoa, Tonga, Kilipati, Tuvlu ma Fiti ua una’ia ina ia resitala mo le Samoan Quota ma palota a le Pacific Access Category. O le resitalaina e tatala i le Aso Faraile, 29 o Aperila. 

O Faatonuga Tau Femalagaiga o loo aloa’ia ai le sootaga faapitoa i le va o Niu Sila ma Samoa, ma atunuu o le Pacific Access Category e pei o Tonga, Tuvalu, Kilipati ma Fiti. I Tausaga ta’itasi, e o’o atu i le 1,100 tagatanuu o Samoa, 250 tagata Tonga ma tagatanuu o Fiti ma le 75 1-tagatanuu o Kilipati ma Tuvalu e filifilia e ala i se palota o le a lauiliuina ai mo le tuuina mai o le nofomau i totonu o Niu Sila.

O tagatanuu e agavaa o nei atunuu e lima o le matua i tausaga e tatau ona i le va o le 18 ma le 45 ia e tatau ona resitala mo le palota. O tagata resitalaina ua faamanuiaina e filifilia mai le palota o le a tuuina atu i ai le avanoa se’ia aulia le aso 10 o Mati 2017 e faaulu ai a latou talosaga mo visa nofomau, o le tagata talosaga autu e tatau foi ona ia te ia se ofo lelei tau galuega e mafai ona talia mai se tagata Niu Sila e ou lea galuega.

E faamanatu atu ia i latou e tuuina mai resitala ina ia mautinoa e faapea ua latou maua pepa faatumu ma pepa e tatau ai. 

E na o le tasi lava le pepa palota ua resitalaina e mana’omia mo aiga taitasi uma. O Ata pu’e o pepa fanau e tatau ona tuuina mai mo tagata uma lava o loo ta’ua igoa i luga o le pepa mo le resitalaina

O le a fesoota’i atu le Ofisa o Femalagaiga a Niu Sila i tagata ta’ito’atasi uma ua resitala e ala i se fe’au mai se telefoni feavea’i poo se imeli e faailoa atu ai ua maua a latou pepa resitala e aofia ai a latou Client Registration Number. O le a mana’omia i latou ua resitalaina ina ia taofi mau lenei numera e siaki mai ai le tulaga o a latou resitala pe a uma ona fai le palota i le aso 10 o Iuni 2016.  

O le Resitalaina mo le Samoan Quota e leai se totogi ae o loo i ai se totogi o le resitala e NZ$ 75 mo le Pacific Access Category. O lenei totogi fuapauina ua faaitiitia i le NZ$30 mo i latou na resitala i le tausaga talu ai.

O se totogi o se auaunaga faaopoopo e FJD$19 e tatau ona totogi mo sitiseni o Fiti ma o le 1- sitiseni Kilipati o loo resitala i totonu o Fiti ma se totogi faaopoopo e AUD$ 12  lea e tatau ona totogi  mo le 1 sitiseni Kilipati o loo resitala i totonu o Kilipati.