Auvasa mamao ona o le sailiiga manuia mo fanau

By Seia Soloi 23 April 2017, 12:00AM

O manaoga nei o matua ina ia iu ma le mauia aoga a le fanau  aua so latou lumanai manuia. Ma e tusa lava po o le a le mamao if ea o auala e asaina lava aua fanau.

E pei o le tina ia Tina Toma, 35-tausga mai le afioaga o Leauva’a ma Samata i Savaii

O le tina ia Tina e to’alua lana fanau o lo’o iinei ma le toalua lana fanau ma o lo’o latou nonofo faatasi a ii le aiga ma e le’o faigaluega foi o ia.

O lana galuega lava lea o le tausia lea o lana fanau i aso uma.

“E lei leva ona matou nonofo ai iinei” o lana tala lea i le Fofoga o Samoa

“O le faamuamua lea iai ina ia faamama muamua le fanua o lo’o matou nonofo ai nei ao lei faia nisi tulaga mo se fale lelei ma le  mautu.

E mo le aiga o  le tina ia Tina, e na’o lona toalua lava le o lo’o faigaluega aua se tupe maua mo lona aiga ma o ia foi lea o lo’o faia galuega aua le aiga i aso uma.

“I le taimi lenei ia faamautu uma mea uma e pei o fale ma nisi tulaga ao le’i sue sa’u galuega mo le lumanai.“E faigata aua e na’o le tama lava o le aiga lea o lo’o faigaluega aua se tupe maua mo le aiga, o lo’o taofi foi le sailiga o se galuega ona sei mautu uma mea uma.

O le aiga o le tina o lo’o nonofo nei e aunoa ma se moli eletise talu ona o latou nofoia lea fanua.

‘O le mea sili ona taua o lea e maua le suavai.

“Ae o le tulaga o le moli e le’i ola mai lava talu ona matou omai.

“E pei o mea taua ia e lua e tatatu ona iai i totonu o se aiga o le suavai ma le eletise aua e le mafia ona faatino se galuega se tasi i totonu o le aiga pe a leasi se suavai ma le moli.

E talitonu le tina o lenei vaitau ua fai lava sina taugata o le tau o le soifuaga.

“Ua taugata ma maualuga ma ua faigata tele lava i nisi o aiga ona saili manuia mo le tausiga o aiga ma fanau.“E leai se mea o le a tatou faitio ai aua ua tatou iloa uma lava e alu lava i luma le olaga faapena ai foi ona siisii ai foi ma le  tau o le soifuaga.

Ae i le nonofo ai o le tina i totonu o le afioaga o lo’o sologa lelei mea uma.

“E ui lava ina faatoa tau amata le latou aiga i totonu o lea afioaga ae o le mea sili o le atia’e lava.

“E sili ai foi lea nai lo le nonofo latalata i totonu o le taulaga i le tele o faalavelave fai i le taulaga.

“O le nofo lava i le fale ma fai feau masani aua le tausiga o aiga ma fanau.

Ua uma ona fuafua mamao le tina mo le lumanai o lona aiga ina ia mautinoa ia maua se mea aoga mo fanau i le lumanai.

“O le fuafuaga o le ola a i le mea ua oo iai le olaga ma ia faamuamua lava fanau ina ia maua ai so layout lumanai manuia.

“Aua r tusa lava po o le ale faigata if ea o matua i lenei taimi i le sailiiga o mnuia mo fanau ae taumafai pea.

By Seia Soloi 23 April 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>