Le tama loto aiga

By Fetalai Tuilulu’u 24 May 2017, 12:00AM

O le to’atele o tagata matutua ua fa’alagolago i fanau ma aiga e faia galuega ma tausi o latou soifua ae o Paulo Mose e ese foi lona ia manatu. 

O le maua ai o le la fa’atalatalanoaga ma le Fofoga o Samoa sa ia fa’ailoa ia le ola galuega o tagata uma aua aiga ma lumana’i manuia. 

“O a’u e leiloa ola fa’alagolago ma ou te le mana’o e fa’alagolago i se tasi. 

“E pei o le ala foi le ao le asiasi mai o lea lava e galuega aua lava se tupe fa’asili. 

“O le manuia o aiga o lo’o i le ‘ele’ele.”

 “I le taimi lenei e pau le atina’e lea e maua ai la’u tupe o le fa’atoaga ma o lena seleni e fesoasoani ai le fanua si o’u tuafafine mo si o matou aiga. 

“O le taimi nei o lo’o o’u nofo nei si o’u tuafafine ne ii Luatuanu’u

“O a’u sa fai le to’alua ma e lei leva tele ona uma atu lona ola. 

“O le ma fa’anaunauga lava ia maua se ma fanau ae peita’i ane e lei tali mai o ma manaoaga. 

“O le fanua a lo’u tuafafine e faigaluea le to’alu ma o latou o lo’o fa’alagolago tele ai peitai e le tuua ai foi lo’u fai loto fesoasoani, 

“O la’u fa’atoaga talo o lea fa’atoa amata.”

Sa saunoa Paulo i le amataga o lana fa’atoaga talo ae le’i fa’aleagaina e timuga o se tasi lea alaga tupe tele.

“I le taimi muamua lava sa fai ai la’u toaga talo e feololo lava o la’u tupe e maua i le aso pe a ave i le maketi

“O le itu lena lea ou te faiatu ai o manuia o aiga o lo’o i le ‘ele’ele ona o lea ou te molimau atu i le telē o le manuia e maua mai ai.”

O ā la ni fa’afitauli?

Ia o le fa’atiauli lava o le  misa o si o’u to’alua ma le avega mamafa ona o le leai se fanua. 

“Peitai o lo’o iai le meaalofa sili a le Alii e ala mai lea si o’u tuafafine ma si ana fanau. 

“O si o’u to’alua lava sa fa’alagolago iai mea uma, e fai mai lava ia o galuega ma tiute fa’aletina e ao ona fa’atino ma usitaia i totonu aiga. 

“O le ala foi lea o le misia ia o le tina le aiga ona o ana galuega fai. 

“Ou te fiafia lava e fai fanau tusa pe leai sa’u fanaua e faia. 

“Ou  te alofa i si o matou aiga nei ma out e fia fesoasoani lava le tausiga ma le atina’e ina. 

By Fetalai Tuilulu’u 24 May 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>