Olaga faigofie o Samoa
E faigofie lava le olaga i Samoa. O mea uma lava e tu’ufua mai, o le galue lava ae a mana’omia foi se fesoasaoni o le loto maulalo ma le agamalu e fesili ai.
O lea le manatu o Tomasi Tuiala o Saoluafata o le fa’atalatalanoaga ma le Fofoga o Samoa.
O lenei tamā e 52 tausaga le matua le soifua ma e to’alima lana fanau, ae o ia o se faifa’atoaga.
O le lima tamatau o le tamā o lona maumaga ma o le ala foi le o le galuega i aso uma ua e tua lava le maumaga le aiga.
“O a’u nei e to’alima le fanau, e na’o le to’alua o lo’o ia tei maua ma le tina le aiga ae to’a tolu o lo’o i Ausetalia.
“Pei ona e taga’i mai o le maumaga lava e tua iai. O lea e iai foi lenei aso ma lona fa’amoemoe.
“Ia e fa’atoa vili lava i le fanau i se seleni aua fa’alavelave ae e tagi lava i lima.
Sa taua e le tama e lei se mativa i Samoa. O le tagata lava ia e afua ai le fa’aletonu.
“O a’u e ofo ona o le nisi o aiga e ola falolo.
“O lo’o iai le maumaga, o lo’o ia foi le sami, a leai se galuega galue le maumaga ma le sami.
“O lo’o tele lava avanoa faigaluega ae e aoga i tagata e le fia manao e palapala ma ola falolo.
“O le maumaga ma le sami e tua ai. O le fa’amoemoe lava o aiga e fa’alagolago lava i lou galue ma lou le ola fa’alagolago.
Po sina fautuaga le mamalu le atunu’u, o ou lava lima ma lou mafaufau e manuia ai lou aiga.
“Aua le ola falolo maua le ola paie. Galue nei loa ma fa’alagolago le Ali’i o manuia mo aiga ae le gata i lea o fanau.
“E faigofie le olaga i Samoa pe a agatonu le mafaufau ma fa’aoga tatau eleele ma le sami