Utiuti le fa’asoa

Tusia Ulimasao Fata ma Ioana Tupa’i ,

39 Hits

Savelio Iafeta, 46 tausaga le soifua mai Faleula.

Savelio Iafeta, 46 tausaga le soifua mai Faleula.

O le olaga o loo tatou soifua ai i Samoa nei ua taugata ma o le seleni o loo maua mai galuega o loo galulue ai ua lelava.

O le faasoa lea a Savelio Iafeta, 46 tausaga le soifua mai Faleula.

E maua atu e le Fofoga o Samoa ua agai atu Savelio i lona aiga i le aoauli o le aso ananafi.

E matuai le faigofie lava le soifuaga ua o tatou soifua ai i lenei vaitaimi faatusatusa atu lea i le seleni e maua mai i le galuega.

“O le taimi nei e $105 lou totogi e maua I le vaiaso mai I le galuega o loo ou galue ai nei i se tasi o pisinisi Saina ae o si ou faletua e $80”.

“O le seleni maua o loo tausia ai matua o si ou toalua faatasi ai ma nisi o ona tausoga o loo matou aumau faatasi i le taimi nei”.

A faaaogaina le $100 e pei lava o la e faaaoga le $10. O le selau tala lena e mafai ona faatauina ai se meaai i le aso ma o le mafuaaga lena o lou faiatu ua taugata lava le soifuaga.

O le tele o faigata e mafua ai ona ou naunau ou te galuega mo se ova taimi ina ia mafai ona maua se seleni faasili o lou totogi.

“O au lava ia ou te galue mo le valu itula ae o loo faamalosi lava e galue mo nai isi itula faaopopo ona o lou naunau ina ia maua le seleni faasilisili e fesoasoani I le tausiga o si o matou aiga.”

O le tele o nisi taimi ou te agai solo ai e saili poo iai se isi o loo fia faatino sana ina ia mafai ona maua sau seleni.

“O lenei vaitau o le tau o le pisupo ua $10 ae o le tau o le apa eleni ua $5 tala.”

I le tapenaga mo le kerisimasi mo lenei tausaga nao le kapeta lava o le matou fale na faatau. Ae o le tau o le kapeta e le taugofie e matuai taugata lava.

Sa ia taua foi e ese ma le manaia pe ana tutusa le taugata o le soifuaga ma le tulaga o totogi o loo iai nei.

© Samoa Observer 2016

Developed by Samoa Observer in Apia