Fia avea ma tama lakapi

By Ilia L. Likou 23 December 2017, 12:00AM

Aua nei toso oe e ou faafitauli ae ia avea ou faanaunautaiga poo miti e taimua ai lau malaga.

O lea le talitonuga o le taulealea e 17 tausaga le matua ia Fa’au’uga Tagi mai  Leauva’a.

Na maua se faatalatalanoaga ma le Fofoga o Samoa i le taeao ananafi ina ua agai atu i lona aiga i le maea ai o ana galuega i lo latou maumaga.

Na nofo mai le taule’ale’a mai le aoga i le tausaga nei ona o le faafitauli tau le seleni lava ae o loo iai le fuafuaga e toe foi i le aoga i le tausaga fou.

“E le’o o le gataaga lea mo au i le olaga aoaoina o loo iai lava le avanoa ou te toe agai ai i le aoga ma o se faamanatu pito sili lea o taua mo au ina ia mafai ona ou ausia se tasi o ou miti mo le lumanai.”

O loo faanaunau le loto o le taule’ale’a ina ia avea o ia ma tama taaalo faavaomalo i le lakapi.

O le taule’ale’a ia Fa’au’uga e lona ono i le fanauga.

O loo iai lou naunau ia avea au ma le isi Alafoti Faosilliva

Aisea ona e ese ma lou fiafia i le taalo a lea foi taule’ale’a i le Manu Samoa.”

“Ou te talitonu e o faatasi le lelei o le taalo ma le lelei o le olaga aoaoina.”

Na tuua le aoga ae ua ou i le vasega 11.

E pei ona ou taua muamua na ou nofo ma le aoga ona faafitauli tau le seleni ae o loo iai lava le faanaunautaiga ia te au ou te toe foi ai i le aoga.

O nai ou tuafafine e toalua o loo fesoasoani lea i le tausiga o si o matou aiga ae o le isi taimi e faalagolago i le matou faatoaga. 

Ae o au o loo fesoaoani nisi o feau a le aiga aemaise ai nai ou matua.

Ou te iloa lava ou te toe foi lava i le aoga i se taimi le toe mamao.

O le soifuaga i lenei taimi ua fai lava si faigata ae mo au lava ia o loo ou faamuamua lava si ou aiga. Aua ou te talitonu o i latou lava e fesoasoani mai mo au ina ia ausia miti o loo ou faananau iai.

By Ilia L. Likou 23 December 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>