Ia taumafai fanau

By Ilia L Likou 24 November 2017, 12:00AM

O le finagalo lea o Isa’ako Isaako o Vaitele-Uta.

Na ia fa’ailoa o le tele o vaega ua alia’e mai tupulaga ona ua le mafai lea ona mulimulita’i i fa’atonuga o matua.

“Ua o tatou iloa uma le tele o lel suiga ua i ai nei Samoa, aemaise lava le tulaga i le aga’i atu ai le lumana’i.

“O se itu e ao ona silafia lelei lea tulaga pe a fua atu i ai, o le uiga o la’u tala e leai lava se mea e faigata e vagana ua o tatou taumafai fa’atasi uma i ai.

Na ia ta’ua o le tele o le mau fa’alavelave o lo’o ua i ai nei ona o le tulaga faigata o le soifuaga o lo’o ua ola ma soifua ai.

“E pei o lea lava le tulaga o lo’o ua i ai nei si o tatou atunu’u o le itu mautinoa , o le tuai lava ona fo’ia o fa’afitauli o lo’o ua tatou feagai ai nei.

“O le tuai fo’i lea o le ola magafaga lelei o nai o tatou tagata i le tulaga ua i ai nei o nai o tatou fanau, o se itu faigata tele lea i la’u ia lea va’ai i ai.

“Ona o nei aso ua ese lava tupulaga ua fai lava sina faigata, ma o se itu lelei tele le toe fa’atepa tasi i tu ma aga na masani mai ai nai o tatou tagata i aso ua mavae.

“E pei ona fa’apea mai ai le Tusi Paia e tatau le sasa i le tua o le vale, o le uiga o la’u tala e le fa’apea o le a tu lava ma le sasa i taimi uma.

“Ae o le taumafai lava lea e fafaga i upu ma  tala e lelei o latou olaga.

“Ua faigata lava nei aso, ma o se itu e ao ona o tatou silasila lelei ai aua le aga’i ai le lumana’i.

‘Ia o tatou iloa e leai lava se mea  o  toe faigofie lenei vaitau, ae a o tatou fa’atu’utu’u i ai, ia ua le aoga atoa taumafaiga o lo’o ua taumafai ai nei.

By Ilia L Likou 24 November 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>