Va’ava’ai pea i luma

By Ulimasao Fata 24 December 2017, 12:00AM

O le naunauta’iga o le tinā i a Vaipou Taleni o se fale fou lea mo ia ma le fanau pe a pule alofa le Atua e umi pea le ola ma le malosi.

O le taimi lenei e 11 le aofaiga o si o latou aiga o lo’o ua nonofo i le fale e tasi ma e pei o lea le mafua’aga o lo’o va’ava’ai atu ai.

Na ia fa’ailoa o le olaga i Samoa nei ua fai lava sina faigata.

“Ia ua le toe tutusa nei aso ma o se itu faigata tele lea mo i matou lava ia ma ua tatou iloa uma lava lea tulaga e pei ona ua tatou i ai lenei vaitau.

“E le mafai ona nofonofo ma e fa’apea ane e alu atu lava le tupe e su’e e leai e leai se mea fa’apena e mafai ona tupu i le taimi lenei.

“O le itu mautinoa ia taumafai vaega uma mo le lelei alu i luma o aiga, aemaise o so’o se taumafaiga aua lava nai fanau.

 “Ia o a’u e to’atolu si o ma fanau ma le to’alua ma na o matou nonofo i Savaii i letele o tausaga ae ina ua oti le tama o le aiga ia e pei o lea le mafua’aga ua toe fo’i mai ai iinei.

 “E mo le silafia ai e to’atolu i latou o lo’o galulue aua se tupe fa’asili o si o matou aiga aemaise o le tausiga mai lea aso i lea aso.

 “Ia e pei o nai tamaiti lava o loo fa’amoemoe ai le tele o taimi aemaise o mea fai mai lea aso i lea aso.

“E pei o lea lava le itu o lo’o ua taumafai ai nei ina ia atia’e aiga i taimi uma aemaise o le sologa lelei o mea uma ma le aga’i atu ai le lumana’i.

“I a te a’u lava ia o se fale lava olo’o ua va’ava’ai atu ai aua lava fanau, ia e famoemoe mea uma i galuega a tamaiti.

“O le tatalo ia umi le malosi ia e fai atu ai nisi atina’e mo le lelei o fanau aemaise olo latou lumana’i manuia.

“Ia lea ua alo atu le aso taua o le Kirisimasi ia e talitonu o le a tau fai maua fa’atasi se Kirisimasi Fiafia ma le manuia.

By Ulimasao Fata 24 December 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>