E lē faigofie le soifuaga

By Ilia L. Likou 24 December 2017, 12:00AM

O le leai o se eletise ma le suavai o  fa’afitauli nei o fa’afitaulu tetele lea  i le silafia o le tinā i a Anovale Aiono o Fasito’o-Uta.

Na maua le avanoa o le Fofoga o Samoa ma le tina i le aso ananafi ma ia fa’ailoa ai nei tulaga uma.

 “E to’alua la ma fanau ma lo’u to’alua ma e tusa nei ma le lua tausaga o matou nonofo iinei, ia o lo’o lelei lava gasologa o mea uma ma o lo’o matou galiulue ai foi le taimi lenei.

Na ia ta’ua o lo’o lelei lava le tulaga tau mea taumafa i le aiga aemasie itu tau tupe

 “Ia e leai lava ni vaega o lo’o ua fai ma fa’afitauli i si o matou nei pa’usisi ma o se itu taua tele lea..

“E le taumate foi o lea lava le tulaga o lo’o ua silasila ai nei le atunuu aemaise o nai aiga i le aga’i atu ai i aso fiafia.

“O se itu taua tele lea i lo’u iloa i ai, aemaise ai le fa’atinoina o vaega uma o lo’o ua feagai ai nei.

“O Samoa a ia e pei o tupe lava fa’afitauli ae o mea’ai ia o lo’o fau ma soloi ma o se itu taua tele lea i lo’u iloa i ai.

“E ao lava ona o tatou silasila i vaega uma e mafai ona foia o so’o se fa’afitauli aemaise le alo atu ai le Kirisimasi ma le Tausaga Fou.

“O itu sili lea ma le taua i le taimi lenei ilo’u iloa i ai.

Na ia fa’ailoa e pau le fa’afitauli o lo’o feagai ai o le leai o se suavai ma le eletise.

‘Ia e pau lea o le fa’afitauli o lo’o ua feagaui ai nei ma le aiga, ia atonu ua lata mai se taimi e va’ava’ai atu ai mo le fa’agaioina o vaega nei.

“Ae mo le taimi lenei o lo’o ua sologa lelei mea uma, e pei ona ou fa’ailoa atu i le taimi muamua aemaise ai le tulaga pagatia o lo’o ua feagai ma le atunu’u.

By Ilia L. Likou 24 December 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>