Tula’i i le Faamasinoga pagota na sosola i tua

By Pai Mulitalo Ale 25 May 2016, 12:00AM

E to’alua ni pagota, na molia i le fasi o se alii faipisinisi Saina, o Kuan Hui San, ia na toe taliu atu i totonu i totonu o le Faamasinoga Sili ananafi.  

Na tulai Lauitiiti Tualima ma Filipo Pesamino i luga o le Faamasino Sili, o Patu Tiava’asu’e Falefatu Sapolu. O ia alii e to’alua o loo molia faatasi i le taumafai e fasioti, faao’o ni manu’a ogaoga i le tino, talepe fale ma le ulufia o fale faapea ai ma le gaoi

Na teena e Tualima le moliaga o le taumafai lea e fasioti ae na ioe i le moliaga o le faao’o lea o ni manu’a ogaoga i le tino, talepe fale ma le ulufia o fale ma le gaoi.

Na faapea foi ona teena e Pesamino lona moliaga o le taumafai lea e fasioti se tasi ma faaoo i ni manu’a ogaoga i le tino ae na ioe i lona nofosala i le talepe fale ma le ulufia o fale ma le gaoi.

O lea to’alua na molia na sosola ese mai le falepuipui i Tafaigata ma talepe le fale o Mr San i Vaitele-uta.Ona soso’o ai lea ma lo la fasia o Mr. San ma tuu ai o ia i se tulaga mafatia ae gaoi ana meatotino e tusa le tau ma le $2,500. Sa molia foi Pesamino i lona osofa’ia o se alii ofisa, o Tapasu Tuala i le aso 25 o Aperila.

Na ioe i lona nofosala i lenei moliaga.

O alii e to’alua ua tuua’ia o le a toe tulai i le faamasinoga i le vaiaso fou i le Aso Gafua 30 o Aperila 2016 mo le valaauina o lea mataupu e faamaonia a la tagi i totonu o le faamasinoga.

By Pai Mulitalo Ale 25 May 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>