Fa’atauina chips aua se seleni maua

By Aruna Lolani 25 June 2017, 12:00AM

E iai lava so’o se auala e mafai ona e galue ai i le olaga.

O Uma Latu mai Tanugamanono ma Iva, o lana ia galuega fai o le fa’atauina atu o chips e fai i le talo ma le fa’i aua se seleni maua.

Sa savalia e Uma le nu’u o Tuana’imato i le aso ananafi aua le fa’atauga o ana chips.

Ua 38 nei le matua o lona soifua ma ua 20 ai nei tausaga talu ona ia faia lea galuega.

“E 16 pepa chips sa ou sau ma a’u e fa’atau. Lea la ua taulia le 6, toe 10 le totoe,” o lana tala lea.

“A taulia uma pepa ia, masalo e maua se $240.”

E galue fa’atasi Uma ma isi ona tausoga aua le fa’atinoina o lenei galuega. 

“E to’atele tagata o le matou aiga, ae na’o le to’afa lava matou o lo’o faia lenei galuega."

“O lesi ou tausoga e faia le chips ae matou la e to’atolu e fa’atau ma tiliva atu i faleoloa ma so’o se tagata e mana’omia."

“O lesi la to’atasi lae fa’atau chips i le falema’i ae o lesi tasi lae fa’atau chips i le suigi a tamaiti." 

“A’o a’u la lea ua mae’a, ia o lea o lea ou fa’asolo atu la e fa’auma le fa’atauina atu i le taligalu."

“Ou te alu la i le pasi, masalo e taulia uma a e le’i po."

“A o’o la i le taimi e maua ai matou tupe, matou te afa a la ma si tama lea e faiga le chips."

“E taua tele lea galuega ia te a’u aua o lo’o maua ai se seleni."

“E iai a fa’afitauli i isi taimi ia ae o le olaga e fa’apena."

A fia fa’atau mai ni au chips ia Uma Latu, fa’amolemole fa’afeso’ota’i ifo o ia i le numera 7787571.

By Aruna Lolani 25 June 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>