Tu’ufa’atasi i le Fa’aipoipoga: Wanda Matavai Mua’ausa Pau ma JK Tavale

By Sarafina Sanerivi 25 July 2016, 12:00AM

“Po’o le a lava le ‘umi e le-feva’aia’i ma va-va-mamao fo’i nofoaga e iai, ae le-mafai ai lava ona taofia o se ali’i ma se tama’ita’i ua uluulu le alofa o le tasi i le isi ma ua matua mafana le mafutaga.” 

O le fa’amaoniga o ia ‘upu, na va’aia i le Aso To’ona’i talu ai  ina ua fa’atinoina le fa’aipoipoga a JK Tavale ma lana manamea o Wanda Mua’ausa Pau ma ta’utino ai  lo la fa’amaoni e avea ma ulugali’i i le soifua atoa.

O le Aso To’ona’i na fa’apa’iaina ai le ulugali’i-fou i le sakalameta o le fa’aipoipoga na ta’ita’ia e le Fa’afeagaia o Elisaia Koria i le Ekalesia Fa’apotopotoga Kerisiani Samoa i Matautu-uta. 

Sa tumutumu ai aiga-na-lua, o fa’afeagaiga taulagi ma faletua, o uo ma ‘aumea-mamae a le ulugali’i-fou e molimauina lo la aso fiafia ae maise le fa’atinoga o a la tautoga-fa’aleUlugali’i fou ina ia fa’atasia i le alofa, le ola fiafia ma fetausia’i i aso uma o le soifuaga.

O le tama’ita’i-fa’aipoipo o Wanda Matavai – e 28 tausaga, o le alo lona tolu o le Tofa a Mua’ausa Pau ma Susana o Sapapali’i, Matautu-uta ma Vaitele ma o lo’o galue nei o se faia’oga i le A’oga Tulagalua a Apia, i Malifa.

O le fa’atoa fai-ava, o JK Tavale - ua 33 tausaga, e mai Faleapuna ma Salea’aumua Aleipata, e aumau i Ausetalia ma galue i le kamupani ‘eli-‘auro. Na fa’atoa feiloa’i i la’uā i le tolu tausaga ua mavae ma amata ai se faiga-uo lea na taualuga i le tu’ufa’atasia o se ulugali’i-fou i le Aso To’ona’i talu ai.

  The celebration continued at the Faleata Golf Course yesterday where they were joined by their families and friends from Samoa and overseas. 

Na fa’aauau le aso-fiafia o le ulugali’i-fou i se taumafataga tele felanulanua’i i le Maota Samoa i le Malae Ta-polo i Faleata. O se aso fiafia tele mo le Jay ma Wanda Matavai ae maise o matua ma aiga na-lua, ma atili mata’ina ai lea aso fiafia, i fa’afiafiaga a le Fa’aili a Lesa Lio Tuana’i ma le Vaega. Ia Manuia Tele le Ulugali’i-fou!

By Sarafina Sanerivi 25 July 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>