Fiafiaga mo le Tusitala

Tusia Deidre Tautua-Fanene ,

95 Hits

Jadyn Ualesi.

Jadyn Ualesi.

O se po mata’ina mo le tama’itai o Jadyn Patrilita Petimara Ualesi.

E lua ni fa’amoemoe sa fa’apea ona fa’amanatuina mo lea tama’itai o le tatala aloaiaina o lana tusi lona tolu ‘ Fear to live’ aemaise ai o le fa’amanatuina o lona 21 tasuaga.

O lea fa’amoemoe sa faia lea i le Tui Atua Tupua Tamasese Building i Apia i le po o le Aso faraile na se’i mavae atu nei.

O uo ma aiga o le tama’itai o Jadyn sa fa’apea o latou molimauina ma sapasapaia fiafia ai le olaga fa’amanuiaina aemaise ai o le isi la’asagafou o le olaga o Jadyn. Ae fa’asilisili ai ona o lea sa mafai ona auai le tinā matua (grandmother) o le teine fai aso fanau.

“O se aso pitoisili ona taua lea i lo’u olaga,” o lana tala lea i le Samoa Observer.

O Jadyn o le ulumatua o le fanauga e to’atolu a Silia Kilepoa Ualesi maTauiliili Junior Ualesi mai afioaga o Tufuiopa, Lepea, Tafitoala, Safotu ma Sataua. 

O lana tusi muamua lava lea sa tusia i le tausaga e 2015 , ‘Fear to Love’, soso’o ai ma lana tusi lona i le 2016, ‘Fear to Lose’ lea ua iai nei lana tusi lona tolu o le ‘fear to Live’.

O le taimi lenei o lana tusi lenei e aualofa atu ai i lana uo mamae, Theresa Atkins, i le maliu ai o lona tinā i le tausaga na se’i mavae atu nei.  “O Theresa Atkins e pei lava o le isi o’u tina, sa ia tausi mai lava a’u i le 13 tausaga.

“Sa ia lagolagoina a’u i so’o se mea lava ma ia fautua mai fo’i i taimi o mafatiaga.

“Sa fa’ate’ia a’u ina ua maua le tala ua mali, ma o lenei la po e aualofa atu ai ia Theresa o le sa avea ma fautua ia te au.

Fagaloia Vaetoe ma Jadyn Ualesi.
Fagaloia Vaetoe ma Jadyn Ualesi.

“I taimi o malaga lo’u tina i luga o galuega, o Theresa lava e iai ma a’u.”

Sa fa’ailoa mai e Jadyn e valu masina sa ia tusia ai lenei tusi, ma sa etele se taimi o mafaufau ai a’o le’i tusia lenei tusi.

Sa fesiligia ina ia auiliili mai i le tulaga sa iai i le sa ua tusia ai lenei tusi.

“Vaitau lenei o faigauo a tama ma teine, a le fa’aaogaina e le teine le tama, e fa’aaoga e le tama le teine i tulaga tau tupe.

“I totonu o lenei tusi o loo faamatala atu ai le mafuaaga e fai ai e le tama tulaga ia ina ia puipuia lana uo teine.

“O lenei tusi e eseese mai tusi e luau a mae’a ona tusia.”

Mai tusi uma nei e tolu o le tusi mulimuli lava e fiafia ai le Tusitala ona e iai le fa’aiuga fiafia.

“Ma o lona olaga o lo’o fa’amatala mai ai i nei tusi.

Sa ia fa’afetaia ona aiga, aemaise ona matua ona le laua lagolagosua i ana taumafaiga faapea ai ma lona tinā matua.

© Samoa Observer 2016

Developed by Samoa Observer in Apia