Galulue faatasi e mama ai se avega
E faigofie feau ma galuega a se sosaiete po o le aiga pe a maua i le loto e tasi.
O le mau lea a le tama ia Siaki Maifiti, 50-tausaga le matua mai le afioaga o Lalovaea ma Levi,Saleimoa.
E leai se galuega a le tama ae o lona naunautaiga ina ia maua e tagata uma le loto e tasi aua le faatinoina o mea i totonu o aiga ma galuega o lo’o faia.
“Ua tele lava lea tulaga i lenei vaitau, ua femisa’i aiga i le va nonofo ona ua le maua le le nonofo faatasi.“Leai se galulue faatasi ua manatu lava le tagata ia ua na’o ia lava” o lana tala lea i le Fofoga o Samoa.
I le manatua o le tama, o le galulue faatsai le mea pito sili ona taua i so’o se tagata e afua ma ii totonu o le aiga.
“E moni lava ua tele suiga o le olaga ae o aiga e faavavau ma e le mafia foi e seisi ona aveese le alofa faale-aiga ae i lenei vaitau ua tele ina vevesi.
“Leai se loto alofa, ma le loto fesoasoani ae ua saili lava e le tagata ia lona malosi le mea e maua ai lona ia manuia.
E afua mai i totonu o aiga le maopoopoga o tagata um ape a galulue faatasi.
“E le gata i aiga ae o so’o se sosaiete e le mafia ona faia se galuega pe a leai se maopoopoga lelei o ona tagata.“Po o lea foi le taumafai atu ae a le loto gatasitasi ona tagata e le mafai ona o’o i se taunuuga lelei.
I le faamamafa a le tama, ina ia maua uma e tagata lea lagona o le faifai mea faatasi aemaise o le ola felagolagoma’i.
“So’o se sosaiete lava o lenei olaga e tatau lava ona iai le galulue faatasi ma le fiafia faatasi.
“A masani ai lava e le taumate le ola fiafia aemaise ai o le ola femalamalamaa’i ai lea o isi tagata i le olaga ma lona foi soifuaga.