Ia e iloaina lou tiute

By Aruna Lolani 27 June 2017, 12:00AM

Ia e iloa lou tiute fai i totonu o lou aiga.

So’o se tama lava, e ave le fa’amuamua i a latou aiga aua se lelei mo le lumanai.

Avealalo Afaese Maligi, mai Falevao, e iloa lelei le taua o le tausiga o lana fanau ma le tina o le aiga.

Sa fai le galuega fa’amama fanua a lenei tama ina ua maua atu e le Fofoga o Samoa.

“O tatou uma lava, e fa’amuamua i o tatou aiga ma o le mafua’aga foi lena tatou te galulue ai,” o lana tala lea.

O Avealalo ma lona aiga o lo’o nonofo nei i le aiga o lona to’alua  Falevao.

“E to’atolu lau fanau; lesi to’atasi lae aoga ile Univesite o Samoa ae o lesi lae aoga i Avele.

 “O au la sa ou faigaluega muamua e mamao atu ma nei, ae peita’i o le mana’o a o se tasi o tamalii a le nuu i sesi e vaaia lona fanua, lea ua ou faigaluega ai loa iinei.

“E lelei a la aua e latalata i le matou fale toe tele foi se tupe sefe mai ai mai le totogiina o pasese.

E faataua lava e Avealalo values lana galuega fai aua e maua ai se seleni mo le tausiga o lona aiga.

“E taua lava le galue aua e mana’omia le seleni ae o ita foi ia, a le lava a lea fa’asoa, ia o le tupe mai a mai le N.P.F. e tua iai.

“Aua foi o tagata nuu uma e malamalama ile tele o mea e fai; pei o mea a ekalesia ae fa’apea foi mea le nuu.

“Ae o le taimi a nei,ua iai se faamama avega aua o lea ua iai le sikolasipi a si ou afafine lae aoga ile N.U.S.

“Ua tele ai a la se faamama avega ia au nei aua o le pili aoga e leo se mea taugofie, ma e lagona lava le faafetai.”

By Aruna Lolani 27 June 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>