Manatu o le Fa’atonu - E uiga i nai mea fetogia’i mata’ina a Tuilaepa ma Faumuina

By Mata'afa Keni Lesa 28 June 2016, 12:00AM

O nai mea fetogia’i laiti a le Palemia o Tuilaepa Sa’ilele Malielegaoi ma lana Minisita muamua e miliona talā o Faumuina Tiatia Liuga i totonu o le Palemene ua toe manatua ai mea na tutupu. 

Ina ua mavae nei tausaga e tele lea sa tuuina atu ai le loto atoa o le Palemia o Tuilaepa- e puipui ai Faumuina- sa matua lē faamalūlūina  ma ti’a’a e pei o le papa, o le faamoemoe e mafai foi ona la faatinoina se taaloga  sipā i totonu o le Palemene ina ia lagona ai  e tagata uma-e ono faate’ia ai le to’atele. Ma-na tula’i mai lava lea tulaga.

I luga o le itulau i luma o la outou nusipepa ananafi, o le felafoa’iga a Tuilaepa ma Faumuina, lea na tupu i le poi  le vaiaso talu ai, sa i luga o le itulau i luma mo tagata ema e silasila i ai. O le manatu e faapea poo le a lava le alu i luga-e tatau lava mulimuli ane ai ona toe o’o mai i le mafaufau.  

“Ae te le’i toe faailoa mai soo se isi lava mea, mafaufau i lou taimi,” o le lapata’iga lea a Tuilaepa.” “Ou te le mana’o e toe fo’i i le taimi ua mavae. Sa ‘ou manatu e te le toe lagaina lenei mataupu, ae ou te una’ia oe ina ia e matua mafaufau lelei i ai.” Ia, o le a le pogai ua mafua ai le le fiafia o le Palemia o Tuilaepa??

Ia-ua le fiafia o ia ina ua fesiligia e Faumuina le folafolaga a le malo  mo le atiina a’e o Savaii. A faatusatusa ia Upolu, fai mai Faumuina e matua le maua lava ni avanoa i totonu o Savaii ma o le pogai lea ua toatele ai tagata o le motu tele ua o ese mai ai. “E leai se pisinisi e mana’o e se’e atu i Salelologa ona o le taugata o le fela’uaiga o oloa mai Apia i Savaii,” o le faaaliga lea a Faumuina.

 O se manatu talafeagai lea. Ae peitai-e le’i muta ai iina manatu faaalia o Faumuina. “Tatou o i Savaii e faavae ai lo tatou lava malo –ona e aliali mai o loo manatu faapito le faigamalo i le atiina a’e o motu e lua.” 

Sole. Se malo o  Savai’i? Atonu e faafoe e Faumuina? 

O lea la tulaga e le o se mea lelei ia Tuilaepa.

 “Sa avea muamua Oe ma Minisita o Tupe,” o le faamanatu atu lea a Tuilaepa. “Ae aisea ua umi ai le taimi e te tilotilo ai i ia atiina a’e?” O le toe liliu mai, fai mai Faumuina na te le’i maua se avanoa e fai ai soo se tasi o ia galuega tetele. 

“E leai ni galuega tetele se tele na tuuina mai ia te a’u ou te galue ai, o lana faaaliga lea. “Poo le a lava mea e fai i ai le faaiuga a le Kapeneta, o a matou faamuamua na.” Sa faailoa atu e Faumuina e faapea na ia amataina le galuega tau le fausia i le uafu i Salelologa a’o avea o ia ma Minisita. O le taimi lea na se’e ese ai o ia mai ia tiute faa-Minisita –o le taimi lea na taofi ai le faiga o le galuega. Ma i le taimi nei-ma ina ua toe fo’i mai i le Palemene, o lea ua na talosagaina ai le ina ia faamae’a lea galuega. 

Ae peitai- e le’i talia e Tuilaepa. “Na e se’e ese mai le tulaga sa e i ai ona avea lea o oe ma Minisita o Tupe. O iina sa tatau ona faaauau ai pea ona e una’ia ina ia faamae’a lea galuega tele. O lona uiga-ae le’i toe fai maia se isi au upu, mafaufau i lou taimi. Na ia toe ta’ua: “Ou te le toe fia alu i tua i le taimi ua te’a. Sa ‘ou manatu e te le toe lagaina lenei mataupu-ae ou te una’ia oe ina ia matua mafaufau loloto i lena mataupu. 

Ia –ua lelei la. Faamata o i ai se mea e le o faailoa maia e le Palemia o Tuilaepa ia i tatou e uiga i le taimi ua mavae o Faumuina? Aisea ua tuuina atu ai e le Palemia o Tuilaepa ia Faumuina se faamata’u faalilolilo ae o lea tatou te iloa uma lava e mafai ona ia tatala atu soo se tasi e pei o le faiga ua tatou masani ai? 

O le a le mea e uiga i taimi ua te’a o Faumuina lea o loo talanoa i ai Tuilaepa? 

Ma aisea ua fefe ai le Palemia ina ua toe laga mai i luga e Faumuina “lenei (mea)”? Faamata o iloa e Faumuina se mea tatou te le o iloa? Masalo na te iloa.

Tama’ita’i e ma alii, o nisi mea o le olaga nei e le faigofie ona galo.

E ui lava ina i ai taimi ona o lo tatou faanatinati e faagasolo i luma pe a tatou taumafai e tilotilo i tua i le isi auaga, o nei mea-e toe foi mai lava e faatiga ia i tatou.. I le taimi nei la-o le felafoa’iga i le va o Tuilaepa ma Faumuina-ua faamanatu mai ai ia i tatou e uiga i se tusi mai le Taitaifono muamua o le Komiti o Mea Tau Tupe a le Malo, o Papalii Niko Lee Hang, i le Palemia, o Tuilaepa i le tausaga talu ai i lalo o le ta’itaiga a  Faumuina i le avea ma as Minisita..O lea tusi o se vaega lea o se faila o faamaumauga o tonu lea na tuuina atu ai “molimau faamaumauina” i le Palemia o Tuilaepa e faamaonia ai e faapea o tagata faigaluega o le malo-e moni lava sa fai a latou taupulepulega e faaaoga sese ai tupe a le malo i le Faalapotopotoga o Eleele a Samoa (S.L.C.) i lalo o le ta’ita’iga a Faumuina i le avea ma Minisita.

O loo tusi ai le aso 24 o Ianuari 2015, o lea tusi na soso’o ai ma le faaiuga a le Palemene ina ia pasia le tali a le Malo ua leva ona tatali e uiga i le Lipoti a Alii Ofisa o le Palemene, ma se fautuaga na fai ina ia faia se tagi faale-tulafono e faasaga i tagata faigaluega o le malo o loo fesiligia ai.

Ae ui o lea, i totonu o lana tali, sa faafetaia e le Palemia o Tuilaepa mataupu ua lagā ae na ia folafola mai e faapea ua fai e le malo ni faiga e faaleleia ai lona faatinoina o galuega. In its 

E leai se isi mea na faia e uiga i fautuaga ina ia fai se talosaga faale-tulafono e faasaga i tagata faigaluega o le malo na maua sa taupulepule e faaaoga sese tupe a le malo..I lea taimi-sa le fiafia Papalii, o ia lea sa matua tulai mai e tete’e  i “faiga pi’opi’o” ia ua faataga e faateleina pea i totonu o le malo. 

Ia- i lenei la taimi, sa toe aga’i atu Papalii i le Palemia na talosagaina ina ia toe tilotilo tasi lava i pepa a le Komiti a Alii Ofisa o le Palemen lea na tuuina atu. O faamatalaga molimau e matua uiga ese. 

 “E masani ona e talanoa faalaua’itele ma faaaoga se upu mai le Tusi Paia, Iakopo 4 fuaiupu 17-lea fai mai “O ai lava na te iloa le mea sa’o ae na te le faia, o le agasala lea.”

Sa toe faamanatu e Papalii ia Tuilaepa. “Ou te faamaulalo atu i lau Afioga ae peitai-e tatau ona ‘ou faailoa atu ia te oe (molimau faamaonia o ia mea) faiga pi’opi’o na fai….talu ai-ou te mata’u i le Atua ma lana Afioga. Ia-se’i o tatou toe foi la i tua i lea fetogia’iga itiiti i le va o le Palemia o Tuilaepa ma Faumuina i le vaiaso talu ai.

Faamata e mafai ona avea lenei ma “mea” e pei ona ta’ua e le Palemia? E ono mafai ona faapea ua matua faate’ia Tuilaepa i le leo o lana Minisita muamua ma ua matua tatau ai loa ona tua o ia i lenei faiga tau faamata’u? Ae mo Faumuina, ia o ia o se gaoioiga tulaga ese, e moni a ia? E tatau ona viia o Ia o le siamupini o Savaii.

A tatou mafaufau la i lea tulaga, o le mea moni lava e tatau ona outou ona outou manatunatu pe o fea sa i ai lona alofa mo Savaii a’o ia talia ma le fiafia le avea o ia ma pule o lea galuega tele e sili atu i le ‘afa miliona tupe a tagata totogi lafoga  mo se lagi  uiga ese i le lalolagi nei e ala i se ofisa  lea o loo nofonofo ai pea e leai se aoga ma e le o faaaogaina?

Ae faapefea ia  elefane papa’e e faitau miliona ma miliona le tau-ia sa tatau ona aofia i totonu o le o se ta’ita’iga pe faapefea ona faaaoga tupe a le malo? E uiga ese lenei mea malie! Ae peita’i-aua e te ata, e le o se mea malie! 

By Mata'afa Keni Lesa 28 June 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>