Faigata le olaga

By Ulimasao Fata 28 November 2017, 12:00AM

Ia fa’apena lava ona ave le fanau I a’oa’oga tusa lava pe le lava le fa’asoa.

O le saunoaga lea o le Tama ia Tetime Lauaki, 49, tausaga, le matua o lona soifua mai le afioaga o Faleula. 

Na aga’i atu le Tama ia Tetime aua le fa’atauina atu o ana koko Samoa I le taeao ananafi ma maua ai le avanoa o le Fofoga o Samoa e faia ai se latou fa’atalatalanoaga.

E talitonu le Tama ia Lauaki o le tausiga o aiga I Samoa nei ua le’o toe faigofie lava.

“O le olaga lea ua iai Samoa o le tupe lava mea uma, ma o le sailiga foi o le seleni ua le’o toe faigofie lava I lenei vaitau.

“O a’I o se faifaiva I le gataifale ma o la’u lea galuega o lo’o tausia ai le matou aiga I mea tau seleni aemaise mea tau taumafa.”

Na saunoa ai foi le Tama ia Lauaki tusa lava le po’o le a le faigata o le galuega ae ua leai se isi auala.

“Ua leva tele tausaga talu ona ou faia le galuega lea o le faifaiva ma ou te talitonu I le manaia o le sua seleni o lo’o maua mai I le faifaiva.

“O le faifaiva e le’o se galuega e faigofie ona o suiga ese’ese o le tau o le isi lava taimi e le lelei le I’a maua mai.”

“Na ou faigaluega muamua I se konekarate fau fale ma na ou le toe faigaluega ai ona o le lava o le seleni na maua mai ai.”

Na ia saunoa ai foi o le tele o taimi pe a leaga le tau mo le gataifale ona ia fa’ase’e atu lea I lana ma’umaga mo se fesoasoani.

“Pei la o le aso o lea e leaga mai le tau o le mafua’aga tonu lava lea ua le alu ai se faiva ona o le leaga o le tau.

“O lea foi e lelei le fa’atoaga o fualaau aina o lo’o maua ai foi sina seleni I le tele o taimi pe a le alu e fa’agota.”

Na ia fa’aalia foi e le gata I le tausiga o lana aiga o lo’o ia naunau foi ia lava le seleni aua le totogi’ina lea o le pili aoga o lana fanau teine o lo’o iai nei.

“O lo’o ou finau nei e tausi le matou aiga aemaise le taumafai lea e lagolago le aoga a le fanau o lo’o iai nei I le taugata ua iai nei.

“O le isi vaega lea o lo’o alu iai le seleni e le gata I le tausiga o le aiga aemasie ai le fanau aoga aemaise le latou aoga.”

By Ulimasao Fata 28 November 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>