Ia mata’ala i taimi uma
Ua le faigofie nei aso i le talitonuga o le tinā i a Makerita Va’ai o Malie i le fa’atalatalanoaga ma le Fofoga o Samoa i le aso ananafi.
“Ia e pei o lea lava le tulaga ua i ai nei vaitau ua o tatou i ai, ua le faigofie lava ma o se itue ao ona silasila lelei i ai le atunu’u.
“O lo’u ia lea malamalama lava o a’u ia o le taumafai lava o le tagata i so’o se atina’e aua aiga.
Na ia fa’ailoa o le taimi lenei o lo’o ua matua’i taumafai lava i so’o se faiga mo le aga’i ai le lumana’i.
“O lea lava le tulaga o lo’o ua i ai i lo’u iloa i ai, o a’u e to’aiva le fanau ma o se tulaga lava o lo’o ua una’i tamaiti ia fai o latou aiga.
“Ae ua iloa le ituaiga olaga o lo’o ua aga’i mai, o la aso e pei na faigofie aso uma, e leai se mea popole ae o nei aso.
“..ia a leai se isi e faigaluega o le aiga, o le matua’i faigata lava o le tulaga e o’o i ai.
O lona talitonuga e ao lava ona una’i o so’o se taumafaiga i le taimi lenei.
‘E pei o lea lava le tulaga o lo’o ua va’ava’ai atgu ai aua le agai ai le lumana’i, a faigata ia ua tele ina tau leiloa manava...
“Ae o lo’u ia lea iloa i ai, ia taumafai o vaega uma aua le aga’i ai le lumanai, e le fa’apea la ua matutua fanau...
“Ia na taumafai lava lea e una’i i vaega e mana’o ai, e leai e ao lava ona fai fuafua fo’i tatou o matua ona o nei aso ua faigata lava...
“Ua matua’i tele le mau mea fai.