Ia fesoasoani i aiga

By Ilia L. Likou 29 January 2017, 12:00AM

O le talitonuga o le ali’i talavou i  a Apineru Apineru o le ola ai e alofa ma i lona aiga o lea le tulaga o lo’o ia fa’amuamuaina i le taimi lenei.

“Ia e mo le silafia ai o a’u e sau mai Savai’i ma o se tulaga lava lea o lo’o i ai le taimi lenei o le taumafai ai lea ina ia mafai ona ou ola ane ma atia’e lelei si o’u aiga.

“Ia o a’u lava ia o lo’u olaga o Savai’i atoa lava i le nu’u o Avao.” O lana tala mai i le Fofoga o Samoa.

“E o’o mai le taimi lenei ia o lea ua ou sau ma nofo iinei i si o’u uncle ina ua vala’au atu ou te sau ia mo nisi fo’i o vaega tau fa’aleaiga.

“O si o matou aiga i Savai’i ia e fa’alagolago lava le fa’ato’aga, ia ma o lo’o i ai le fa’ato’aga o talo o fa’i ia ma le anoanoa’i lava.

“O le tele lava la o aso ma lo’u ia ola ane ai ia e pei o le fa’ato’aga lava e fa’alagolago ai nai tupe maua ia aemaise o meaai a le aiga.

Na ia fa’ailoa o le Tausaga 12 na muta ai lona olaga a’oa’oina.

“Ia e pei o i lea na taumafai ai lava ina ia mafai ai ona fai le aoga, o le tele o tagata e fesiligia la’u fa’aiuga ae o a’u ia e ese’ese lava taleni na aumai e le Atua.

“O la’u ia la va’ai i a te a’u le taimi lenei ia e pei o le fatu aiga lava le tali i le taimi lenei, aua e le fa’apea a maua le galuega lelei ona manuia ai lea.

“Leai, e manuia fo’i pe a nofo e tausi le aiga.

“O si o matou aiga la, ia e tau le mana’omia tele se tupe e pei e fa’alagolago lava i vaega nei, ia ma e faatoa mana’omia lava tupe pe a fai fa’alavelave ma nisi o vaega.

“Ae o le olaga lava ia i si o matou nu’u i Avao, e lelei ma filemu mea uma.

“O le isi tulaga ia e mamalu lava faiganu’u a matai.

“O le uiga o la’u tala a e savali, tautala, nofo ia e tatau ona e iloa lelei le taga e tatau ona fai.

“E pei o le fa’aaloalo ma le ava fatafata ai le tele o vaega i totonu o si o matou nu’u.

Na ia fa’ailoa o le taimi lenei o lo’o ua tilotilo i sana galuega.

“Ia e pei o lea le fa’amoemoe o a’u ia , ia sina galuega, aua aiga.

“O a’u o lo’u ola lava lo’u aiga ma o le ala fo’i lea o le a taumafai ai lava e aloalo esemamao mai le tele o le mau fa’afitauli e ono ‘a’afia ai ae fai mea lelei.

By Ilia L. Likou 29 January 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>